ಲೆಕ್ಕಕ್ಕೆ ಸಿಕ್ಕದ ಕವಿತೆ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕವಿತೆ

ಲೆಕ್ಕಕ್ಕೆ ಸಿಕ್ಕದ ಕವಿತೆ

ಯಾಕೊಳ್ಳಿ.ಯ.ಮಾ

Beautiful Indian woman painting Indian decor Indian | Etsy | Indian women painting, India art, Beauty paintings

ನಿತ್ಯ ಮುಂಜಾನೆ
ಸೂರ್ಯನಿಗೂ‌ ಮೊದಲೇ
ಎದ್ದ ಅವಳು
ಎಳೆಯುವ ರಂಗೋಲಿ
ಗೆರೆಗಳ ಹದ ಒಂಚೂರು
ತಪ್ಪಿಲ್ಲ

ಹಾಗೆಯೆ ಆಕೆ ಬದುಕಿನಲಿ
ಎಳೆದ ಗೆರೆಗಳ
ಹದವೂ..!

ನಾನೇ ಇರಬಹುದು
ಮನೆಗೆ ದುಡಿದು ತರುವವನನು,
ತಂದ ಮೇಲೆ ಮಾತ್ರ ಅವಳದೆ
ಕಾರಬಾರು ,
ಇಂಚೂರು ಹೆಚ್ಚಿಲ್ಲ
ಕಡಿಮೆಯಿಲ್ಲ,
ಲೆಕ್ಕ ತಪ್ಪುವದಿಲ್ಲ
ಯಾವ ಎ.ಜಿ,ಚಾರ್ಟರ್ಡ
ಅಕೌಂಟಂಟುಗಳು
ಸಮನಲ್ಲ!
ಪೈಸೆಗೆ ಪೈಸೆಗೆ ಹೊಂದಿಸದಿದ್ದರೆ
ರುದ್ರಕಾಳಿ ಆಗುವದು
ತಪ್ಪೊಲ್ಲ!

ಮನೆ ಮಾರು,ಮಕ್ಕಳ
ಕಲಿಕೆ ಕಾರುಬಾರು,
ನಡೆಯಲಾರದು ನನ್ನದು
ಏನೇನೂ ಒಂಚೂರು
ಈಗಿಗ ಮಕ್ಕಳೂ ಅರಿತಿದ್ದಾರೆ!
ಅಮ್ಮನ‌ ಮೂಲಕ ಬಂದರಷ್ಟೇ
ಅಪ್ಪನ
ಅಂಕಿತ ಬೀಳುವದೆಂದು!
ಹೈಕಮಾಂಡ್ ಕೃಪೆ ರಾಜಕಾರಣಕ್ಕಷ್ಟೇ ಅಲ್ಲ
ಮನೆ ಒಳಗೂ ಅಗತ್ಯ ಎಂದು!
ಬೇಗ ಕಲಿತಿದ್ದಾರೆ..
ಈಗಿನ‌ ಕಾಲದವರು ನೋಡಿ ..!
ಐವತ್ತು ವರ್ಷವಾದರೂ
ತಪ್ಪಿ ಬೈಸಿಕೊಳ್ಳುಚ ನನ್ನ ನೋಡಿ
ಮುಸಿ ಮುಸಿ ನಗುತ್ತಾರೆ,
ಪೂಸಿ ಹೊಡೆದು ಕೆಲಸ ಮಾಡಿಕೊಳ್ಖುವ
ರಹದಾರಿ ಕಂಡುಕೊಂಡಿದ್ದಾರೆ,