ಕವಿತೆ
ಹದಿಹರಯ
ರೇಷ್ಮಾ ಕಂದಕೂರ
ಭಾವನೆಗಳಿಗೆ ಹುಚ್ಚು ಹಿಡಿದಿದೆ
ಮರ್ಕಟನಂತೆ ಹುಚ್ಚು ಕುಣಿದಿದೆ
ಮದವೆತ್ತ ಕರಿ ಘೀಳಿಟ್ಟಿದೆ
ಬಾಲಸುಟ್ಟ ಬೆಕ್ಕಿನ ತಿರುಗಾಟ.
ತುಮುಲುಗಳ ತಡೆ ಹಿಡಿಯಲಾರದೆ
ಆಸೆಗಳಿಗೆ ಮಣೆ ಹಾಕುತಿದೆ
ಸಾಧನೆಗೆ ಭಂಗ ಗೊಳಿಸಿ
ಆಂಗಿಕತೆಯ ಮೋಹಿಸಿ.
ಇಲ್ಲ ಸಲ್ಲದ ನೆವದ ಹಿಂದೆ ಓಟ
ಹಗಲುಗನಸಿನ ತಾಕಲಾಟ
ಜೀವನದ ಉತ್ಥಾನಕೆ ಇಲ್ಲದ ಗಮನ
ತಿರುವುಗಳ ರಸ್ತೆಗಳಲಿ ಸಾಗುತಿದೆ.
ಜೀವವೊಂದು ಅಮೃತವು
ಸವಿಯೋಣ ಆಹ್ಲಾದವ
ಮುದವ ನೀಡೋ ಹೂವು
ಸುಗಂಧ ಬೀರೋಣ ಸಂತಸದಿ.
ಬಾಡುವ ಮುನ್ನ ಎಚ್ಚರಿಕೆ
ಜಾರಿಹೋದೀತುಈ ಗಳಿಗೆ
ಮರಳೀ ಬಾರದು ಮತ್ತೆ
ಆಳಿಯುವ ಮುನ್ನ ಸುಂದರವಾಗಲಿ ಬದುಕಿನ ಆವರಣ.
*****************************************
ಸುಂದರ ಕವನ…ಧನ್ಯವಾದಗಳು.. ರೇಷ್ಮಾಜೀ..