ಕವಿತೆ
ಕೊನೆ ಆಗುವ ಮೊದಲು
ಅಕ್ಷತಾ ಜಗದೀಶ
ಬಿಸಿಲು ಕುದುರೆ ಬೆನ್ನತ್ತಿ
ಓಡಿದೆ ಮನವು ಕಾಲ್ಕಿತ್ತಿ
ಬಯಸಿದ್ದು ಎಲ್ಲಿಯು ಸಿಗದೆ ಹೋಯ್ತು
ಕಾದ ಜೀವಕೆ ಈಗ ಸುಸ್ತಾಯ್ತು…
ಕಾಲವದು ಕಣ್ಮುಂದೆ ಕರಗುತಿದೆ
ಕೈಗೆ ಸಿಲುಕದೆ ಮರೆಯಾಗುತಿದೆ
ಎಲ್ಲವೂ ಬಹುಬೇಗ ಸಾಗುತಿದೆ
ನಾನೇಕೋ ನಿಧಾನವಾದೆನೋ ಎನಿಸುತಿದೆ…….
ಎಲ್ಲೋ ಒಂದು ಸಣ್ಣ ಹೊಳಪು
ಪದೇ ಪದೇ ಅದೇ ಹಳೆ ನೆನಪು
ಬಾಡಿ ಹೊಗುವ ಮೊದಲೆ ಹೂ..
ಮುಡಿ ಸೇರಲಾರದ ನೋವು..
ಮರುಭೂಮಿಯಲ್ಲಿ ಕಾಣಬಹುದೇ ಒರತೆ…
ಸಣ್ಣ ಆಸೆ ಇಟ್ಟು ಬರೆದೆ ಈ ಕವಿತೆ
ಕಳಿಸಿ‌ಕೊಡುವೆ ದೇವ ಈ ಬರಹ ನಿನಗೆ
ಹೊಸ ಚಿಲುಮೆ ಉಕ್ಕಲಿ
ಬಾಳಿಗೆ ಪೂರ್ಣವಿರಾಮ ಇಡುವ ಮೊದಲು………
*********************************************
