ಹನಿಗಳು

ಹನಿಗಳು

ಭಾರತಿ ರವೀಂದ್ರ

ಕೆಂಪಿನ ಮುತ್ತು

ಬೆಳಗಿನಿಂದ ಕೆಂಪಾದ
ಕೆನ್ನೆಯೊಂದಿಗೆ ನನ್ನವರಿಗೆ ಖುಷಿಯೇ
ಖುಷಿ, ಬಿಡಿಸಿ ಹೇಳಲಿ
ಹೇಗೆ? ಆ ಕೆಂಪಿಗೆ
ಕಾರಣ ನಾನಲ್ಲ
ಇಡೀ ರಾತ್ರಿ ಸೊಳ್ಳೆ ಕೊಟ್ಟ ಮುತ್ತಿನ ಪ್ರಭಾವ ಅಂತಾ

---

ನೆನಪು

ನಸು ನಾಚುತ ನಲ್ಲೆ
ಕೇಳಿದಳು. ನೆನಪಿದೆಯಾ ನಿಮಗೆ
ನಾ ಮೊದಲ ಬಾರಿ
ಮಾಡಿದ ಹಲ್ವಾ…
ಮೊಗದಿ ನಗು ಸೂಸಿ
ಮನದಲ್ಲಿ ಅಂದು ಕೊಂಡೆ ಹೇಗೆ ಕಣೆ
ಮರೆಯಲು ಸಾಧ್ಯ
ಕಾಗದ ಅಂಟಿಸೋ
ಅಂಟಿನ ಹಾಗೆ ಬಳಸಿದ್ದೆ
ಅಂತಾ…

---

ಮುಡಿದ ಮಲ್ಲಿಗೆ

ಮದುವೆ ಮನೆಯಲ್ಲಿ
ಮುಡಿ ತುಂಬಾ ಮಲ್ಲಿಗೆ
ದಂಡೆ ಮುಡಿದವಳ ನಡೆ ಬಲು ಸೊಕ್ಕಿನದು,
ಪಾಪ ಅದೇನಾಯಿತೋ ಗದ್ದಲದಿ ಅವಸರದಿ
ಓಡಿ ಬರೋ ಹುಡುಗನ
ಕೈಲಿ ದಂಡೆ ಸಮೇತ
ಕೃತಕ ಮುಡಿ… ಅವಳದು.

***********************