ಕವಿತೆ

ದೀಪಗಳ ಸಾಲು

ಸುವಿಧಾ ಹಡಿನಬಾಳ

ಹಚ್ಚೋಣ ಸುತ್ತೆಲ್ಲಾ ದೀಪಗಳ ಸಾಲು
ಹೊದೆಸೋಣ ಎಲ್ಲರಿಗೂ ಪ್ರೀತಿಯ ಶಾಲು

ಬೆಳಕಿಂದೆ ಜಗವು ಬೆಳಗುತಿಹುದು
ಅನ್ಯಾಯ ಹಿಂಸೆಯಲಿ ದಹಿಸುತಿಹುದು
ಜ್ಞಾನದ ಬೆಳಕಿನಲಿ ತೆರೆಯಲಿ
ಕಣ್ಣು
ವಾಸಿಯಾಗಲಿ ಮನದ ಕಲ್ಮಶದ ಹುಣ್ಣು

ಜಗವ ಹಿಂಡುತಿಹ ‌ಅನಾರೋಗ್ಯ ದೂರಾಗಲಿ
ಎಲ್ಲರೂ ತಿಂದುಂಡು ನೆಮ್ಮದಿಯಾಗಿರಲಿ

ನೆಲಕಚ್ಚಿದ ಆರ್ಥಿಕತೆ ಮತ್ತೆ ಚೈತನ್ಯಗೊಳ್ಳಲಿ
ದುಡಿಯುವ ಕೈಗಳಿಗೆ ಕೆಲಸವು ಲಭಿಸಲಿ

ದಿನವೂ ಮೊರೆವ ಬಾಂಬು ಗುಂಡುಗಳ ಸದ್ದಡಗಲಿ
ಆತಂಕವಾದಿಗಳ ಹೃದಯದ ಕತ್ತಲೆ ಕಳೆಯಲಿ

ಬದುಕೆಂಬ ಅನಿಶ್ಚಿತ ಪಯಣದಲಿ
ಸಕಲರ ಸಹಕಾರ ಋಣಭಾರವಿದೆ
ಏಕೆ ವ್ಯಾಜ್ಯ, ಕಲಹ ಜೀವನದಲಿ
ಪಯಣ ಸಾಗಲಿ ಹೊಂದಾಣಿಕೆ ಸಮರಸದಲಿ

ಒಂದು ಸುದೀರ್ಘ ಸಂಕಟವ
ಕಳೆದು ಬಂದಿದೆ ದೀಪಾವಳಿ
ಮನೆ ಮನೆಯಲಿ ನೆಲೆಗೊಳ್ಳಲಿ
ಶಾಂತಿ ಸಂಭ್ರಮದ ರಂಗವಲ್ಲಿ

*********************************

About The Author

admin

See author's posts