ಏಕೆ ಹೀಗೆ ಈ ಬಿರುಕುಗಳು?

ಕವಿತೆ

ಏಕೆ ಹೀಗೆ ಈ ಬಿರುಕುಗಳು?

ಮಮತಾಶ0ಕರ್

ಕಳಚಿಕೊಳ್ಳುವುದೇಕೆ ಒಂದೊಂದೇ ಕೊಂಡಿಗಳು?
ಯಾವಬಾದರಾಯಣ ಸ0ಬಂಧಗಳೋ
ಬೆಸೆದುಕೊಂಡಿದ್ದವು
ಈಗ ಬೆಸುಗೆ ಬಿಟ್ಟುಕೊಳ್ಳತೊಡಗಿದೆ

ಬಿರುಕು ದೊಡ್ಡದಾಗುತ್ತಾ ಹೋದಂತೆ
ದೂರಾಗುತ್ತ ಹೋಗುತ್ತೇವೆ…
ಜೊತೆಗೆ ಅಪಾರ್ಥಗಳೂ್ ಬೆಳೆಯುತ್ತಾ ಹೋಗುತ್ತವೆ
ಅಷ್ಟೇ ಆದರೆ ಪರವಾಗಿಲ್ಲ…
ಆದರೆ ನಾವೇನು ಹೇಳಿಲ್ಲವೋ
ಅದು ಎದುರಿನವರಿಗೆ ಕೇಳುತ್ತದೆ
ನಮ್ಮ ಮೌನ ಏನೇನೋ ಹೇಳುತ್ತಿರುತ್ತದೆ…!

ಈಗ ಈ ಸ್ಂಜೆ ಕೆಂಪಲ್ಲಿ
ಕರಗಿ ಹೋಗುತ್ತಿದೆ ಸಂಬಂಧಗಳು
ಕತ್ತಲಾಗುತ್ತಿರುವಾಗ ಅನಿಸುತ್ತಿದೆ ಅವರಿಗೆ
ಸ್ವಲ್ಪವೇ ಕ್ಷಮಿಸಿದ್ದರೂ ಇರುತ್ತಿತ್ತೇನೋ
ಈ ಬಿಟ್ಟುಹೋದ ಸಂಬಂಧಗಳು….

ಆದರೇನು…
ಅಹಂಕಾರಗಳ ಯುದ್ದದಲ್ಲಿ
ವಿದಾಯವೇ ಗೆದ್ದುಬಿಟ್ಟಿದೆ…..!

**************************************