ಊರ ಮುಂದಿನ ತ್ವಾಟ ಐತಿ ಬಾಳ ಮಾಟ
ಬರ್ತೀ ಏನ ನೀ ಊಟಕ್ಕ//ಪ//

ನೀ ಬರ್ತೀ ಅಂದ್ರ ಸಜ್ಜಿ ರೊಟ್ಟಿ
ಹಿಟ್ಟಿನ ಚಕ್ಳಿ ಶೇಂಗಾ ಗುರೆಳ್ಳು ಚಟ್ನಿ
ಹುಳಿಬಾಣ ಮಾದೇಲಿ ಮಾಡಿ
ಬುತ್ತಿ ಕಟ್ಟಿಕೊಂಡ ಬರ್ತೀನಿ
ತೋಪ್ ಸೆರಿಗಿನ ಕಡ್ಡಿ ಸೀರಿ ಉಟ್ಕೊಂಡ
ಗಾಡಿ ನತ್ತ ಇಟ್ಕೊಂಡ ಬರ್ತೀನಿ//

ಎತ್ತಿಗೆ ಸಿಂಗಾರ ಮಾಡ್ಕೊಂಡ
ಕೊರಳಿಗೆ ಹುರಿಗೆಜ್ಜೆ ಕಟ್ಟಿ
ಬಂಡಿಗೆ ಕೊಲಾರಿ ಕಟ್ಟಿಕೊಂಡ
ಸಜ್ಜ ಮಾಡಿಕೊಂಡ ಬಿಡ
ಹೊತ್ತಾರೆ ಎದ್ದ ಹೋಗೋಣ
ಉಂಡ  ತಿಂದ ಸುತ್ತಾಡಿ ಬರೋಣ //

ನನ್ನವ್ವನ ಹೊಲದಾಗ ಏನಿಲ್ಲ ಏನ ಐತಿ  
ಕೇಳ್ತಿ ಏನ ನೀ ಕಿವಿಗೊಟ್ಟ
ಎಳೆನೀರ ಬೇಕಾದ ಹಣ್ಣ ಹಂಪಲ
ಗೋದಿ ಕಡ್ಲಿ ಹುಣಸಿ ಮಾವು
ಉಳ್ಳಾಗಡ್ಡಿ ಮೆಂತ್ಯೆ ಮೂಲಂಗಿ
ನೆರಳಿಗೆ ಕೊಂಡ್ರಾಕ ಅಲ್ಲಲ್ಲಿ ಬೇವಿನ ಗಿಡ//

ಬಾಜು ಜುಳು ಜುಳು ಹರಿಯೋ ಹಳ್ಳ
ಮೂಲಿಗೊಂದ ಭಾವಿ ಸುತ್ತೆಲ್ಲಾ ಬೇಲಿ
ಹೋಗಾಕೈತಿ ಎನ್ ಹೆಚ್ ಫೋರ್ ರಸ್ತಾ
ನಮ್ಮೂರಾಗ ಏನ ಕೊಂಡ್ರು ಸಸ್ತಾ
ಎಲ್ಲಾ ಮಸ್ತ್ ಮಸ್ತ್ ಹಂಗಂತ
ಬಾಳ ಸುತ್ತಿ ಆಗಬ್ಯಾಡ ನೀ ಸುಸ್ತ//