ಕಾವ್ಯಸಂಗಾತಿ

ರತ್ನಾ ನಾಗರಾಜ್‌

ಮನಸು

ಮನಸು                      
ಮನಸೆ ನೀನೇಕೆ? ಕಲ್ಲಾಗಿ ಹೋದೆ ?  
ಓ ಮನಸೆ, ನೀನೇಕೆ ಕಲ್ಲಾಗಿ ಹೋದೆ ? -ಪಲ್ಲವಿ  

ನಿನಗಾಗಿ ಮಿಡಿಯದ ಮನಸಿಗೆ
ಮನ ಸೋತೆಯಲ್ಲೇ
ಮಿಡಿದ ಮನಸಿಗೆ ಸ್ಪಂದಿಸಲಾರದೆಯಲ್ಲೇ-  ಮನಸೇ

ಬರಡಾದ ಬಾಳಿಗೆ
ಪ್ರೀತಿ ಬಿತ್ತಲು ಹೋಗಿ
ನಿನ್ನ ಬದುಕು ಬತ್ತಿ ಹೋಯಿತಲ್ಲೇ       -ಮನಸೇ

ಒಡಲುರಿಯ  ಆರಿಸಲಾಗದೆ
ಒಲೆ ಉರಿಯಲ್ಲಿ ಕೈ ಸುಟ್ಟಿಕೊಂಡು
ತಣ್ಣಗಿನ ಸ್ಪ಼ರ್ಶಕ್ಕೆ ಕಾಯದೆಯಲ್ಲೆ         -ಮನಸೇ

ಮಿನುಗುವ ಆಗಸದಲ್ಲಿ ಮಿನುಗಲು ಹೋಗಿ
ಸಹಿಸದ ಗುಡುಗು ಮಿಂಚು
ನಿನ್ನ ನೆಲಕ್ಕೆ ಅಪ್ಪಳಿಸಿತಲ್ಲೇ             -ಮನಸೇ

ಯೌವನದ ಸುಳಿಯಲ್ಲಿ
ನಿನ್ನ ಮನಸು ನಿಲ್ಲಲಾರದೆ ನರ್ತಿಸಿತ್ತಲ್ಲೇ
ಕುಣಿಯಲಾರದವರ ಎದರು ಡೊಂಕಾಗಿ ಹೋದೆಯಲ್ಲೇ     -ಮನಸೇ

ಸಖನು ನಿನ್ನವನೆಂದು
ಸುಖವು ನಿನ್ನದೆಯೆಂದು ಬಿಗಿದೆಯೆಲ್ಲೇ
ಆ ಸುಖವು ಪಡೆದವರ ಸೊತ್ತೆ ಹೊರತು ಕಾಯಲಾರದಲ್ಲೇ      -ಮನಸೇ

ಆ ಮನಸು ನಿನ್ನೆದೆಯ ಹತ್ತಿರವೆಂದೆ
ಆದರೆÀ ಅದು ನಿನ್ನಲ್ಲಿ ಉಳಿಯಲಾರನೆಂದು
ದೂರ ದೂರ ಹೋಯಿತಲ್ಲೇ          –ಮನಸೇ

ನಿನ್ನ ಬಾಳ ಬಳ್ಳಿಗಳು ಅರಳಿದವೆಂದು
ಹೂವುಗಳನ್ನು ಮುಡಿಯೇರಿಸಲು ಹೋಗಿ
ಮುಳ್ಳುಗಳ ಕಾವಲನ್ನು ಮರೆತೆಯಲ್ಲೇ     -ಮನಸೇ

ನಿನ್ನ ಬದುಕಿನಲ್ಲಿ ಕೆಂಬಣ್ಣದ ಓಕುಳಿ ಚೆಲ್ಲಲು ಹೋಗಿ
ನಿನ್ನ ಕೈಗಳ ರಂಗಿನ ಚಿತ್ತಾರ ನಿಲ್ಲಲಾರದೆ
ನಿನ್ನ ಕಣ್ಣಿನಲ್ಲಿ ನೆತ್ತರು ಬಂತಲ್ಲೇ         -ಮನಸೇ

ನೀನು ನಂಬಿದ ಪ್ರೀತಿ
ಮಾಗುವ ಮುನ್ನ, ಕಸುಪಾಗಿ ಉದುರಿ ಹೋಯಿತಲ್ಲೇ   —ಮನಸೇ
ಪ್ರೀತಿ ಪ್ರೇಮ ಮಾಯಮೃಗವಲ್ಲವೇನೆ.

About The Author

admin

See author's posts