ಕಾವ್ಯ ಸಂಗಾತಿ
ಕೆ ಜೆ ಪೂರ್ಣಿಮಾ
“ಇರುಳ ಭಾಷೆಗೆ ಭಾಷೆ ಒಂದು ಸಾಕ್ಷಿ”
ಇವನ ವಿನಹ :ಇರುಳಿನಲ್ಲಿ ಅರಳಿ ನಿಂತ ಪಾರಿಜಾತ ಈಕೆ
ಸದಾಕಾಲ ಕತ್ತಲಲ್ಲಿ ಅರಳಿ ಅರಳುವ ಚಂದ್ರಿಕಾ!
ಇರುಳ ಭಾಷೆಗೆ,ಭಾಷೆ ಒಂದು ಸಾಕ್ಷಿಯಂತೆ ನಿನ್ನ ಅಂದದ ಈ ಬದುಕಿಗೆ
ಹಳ್ಳ-ಕೊಳ್ಳ ಸೇರಿಸಿಕೊಂಡು ಹೊಳೆಯಾಗಿ, ಹೊಳೆ -ಹೊಳೆದು ಪ್ರೀತಿ
ಸಂಜ್ಞೆಗೆ ಸಹಿಯ ಹಾಕಿ ಸಾಗರ ಸೇರುವ ತವಕ!
ಕಂಡ ಕನಸು ಮತ್ತೆ-ಮತ್ತೆ ಕಾಡಿದಾಗ ನೆನಪು ಒಂದು ಮಜುಕೂರಕ!
ನಾಲ್ಕು ಕಣ್ಣು ದೃಷ್ಟಿ ಒಂದು ಮೂಡಿತೊಂದು ಮನದ ಬಿಂಬಕ!
ಅಧರಾಮೃತ ಸೇರಿದಾಗ ಮಧುರ ಚುಂಬಕ!
ಬೆರಳು ಬೆವರು ನೆರಳು ಒಂದಾದಾಗ ಸ್ಪರ್ಶ ಸುಖ!
ಉಸಿರ ಉಸಿರಲ್ಲಿ ಸೇರಿದಾಗ
ಬದುಕು ಒಂದು ತೆರೆದ ಪುಸ್ತಕ
ಸಖಿಯ ಈ ಗೀತೆಗೆ ಸಾಕ್ಷಿಯಾದ ಒಡಲಸಖ!
ಬೆರೆತ ಉಸಿರ ಒಡಲ ನಿಲಯ ಬಾಗಿಲೊಂದು ಮುಚ್ಚಿದಾಗ
ಆಸೆ- ಹೂವಿಗೆ, ಇರುಳ ಭಾಷೆಗೆ, ಭಾಷೆ ಒಂದು ಸಾಕ್ಷಿಯಾಗಿ ಹೃದಯದಲ್ಲಿ ಮೂಡಿಸಿತೊಂದು ನಡಕ .
————
ಕೆ ಜೆ ಪೂರ್ಣಿಮಾ
About The Author
