ಕಾವ್ಯ ಸಂಗಾತಿ
ಶ್ರೀಪಾದ ಆಲಗೂಡಕರ
ಗಜಲ್
ದತ್ತ ಸಾಲಿಗೊಂದು ಗಝಲ್
ಬ್ರಹ್ಮನ ಹಾಳೆಯಲಿ ಒಲವಿನ ಅಕ್ಷರ ಗೀಚುತ ಬಾಳನು ಸಾಗಿಸು
ಬ್ರಹ್ಮನ ಹಾಳೆಯಲಿ ಒಲವಿನ ಅಕ್ಷರ ಗೀಚುತ ಬಾಳನು ಸಾಗಿಸು
ಅಹಮಿಕೆಯ ಕೊಳೆಯನು ತೊಳೆದು ಸಾಕ್ಷರತೆಯ ಕೊರೆದು ಬದುಕು ನೀಗಿಸು
ಊಹೆಯ ಜೀವನ ನಡೆಸದೆ ದುಡಿಮೆಗೆ ಬೆಲೆಯ ಕೊಟ್ಟರೆ ಸಾರ್ಥಕವಲ್ಲವೇ
ಕಹಿಯ ಅನುಭವ ಅಳಿಸುತ ಛಲದಲಿ ಗೆಲುವಿನ ಮೆಟ್ಟಿಲು ಬೀಗಿಸು
ಇಹದ ಪರಿವೆಯ ಮಾಡುತ ಚಿಂತೆಯ ಸಂತೆಯಲಿ ಮುಳುಗಿ ಅಳಬೇಡ
ಗಹನದಿ ವಿಷಯವ ಅರಿಯುತ ಯೋಗ್ಯ ನಿರ್ಣಯದ ಫಲವ ತೂಗಿಸು
ಕುಹಕ ನುಡಿಗಳ ಲೆಕ್ಕಿಸದೆ ಸಂತಸದ ಬಂಡಿಯ ಮುಂದೆ ದೂಡಿರು
ಸಿಹಿಯ ಕ್ಷಣಗಳು ನೆನಪಿಸುತ ದುಃಖದ ಒಡಲನು ಮರೆಯುತ ನಗಿಸು
ಸಹಾಯ ಹಸ್ತವನು ನೀಡುತ ಪ್ರೀತಿಯ ಸಂವಾದ ಬರೆಸಿಬಿಡು ಶ್ರೀಪಾದ
ದೇಹದ ಕಣಕಣದಲಿ ನಲುಮೆಯ ಪದಗಳನು ಜೋಡಿಸಿ ಮೋಹಿಸುತ ಮಾಗಿಸು
ಶ್ರೀಪಾದ ಆಲಗೂಡಕರ
About The Author
ಸೊಗಸಾದ ಗಜಲ್ ಸರ್