ಕಾವ್ಯ ಸಂಗಾತಿ
ಡಾ.ರೇಣುಕಾತಾಯಿ.ಸಂತಬಾ.
‘ಹಂಗಿಲ್ಲದ ಹಾಡು’
ಹಾಡಬಲ್ಲೆ ನಾನು ಯಾರ ಹಂಗಿಲ್ಲದೆ
ಚಂದಕ್ಕಿಂತ ಚಂದ ನನ್ನ ಹಾಡಲ್ಲವೆ llಪll
ತೋಡಿಕೊಳ್ಳದ ತುಡಿತ ರಾಗದಿ ಹಾಡಿಕೊಂಡೆನು
ಗಾಯಗೊಂಡ ನೋವನೆಲ್ಲ ನೀವಿಕೊಂಡೆನು
ತೊರೆದು ಹೋದ ಮನವನೆಲ್ಲ
ಕರೆಸಿಕೊಂಡೆನು
ಪ್ರೀತಿ ಗೀತಿಯಂತ ಹಾಡಿ
ರಮಿಸಿಕೊಂಡೆನು//
ಅವ್ವನ ಜೋಗುಳ ಜೀಕುತಿದೆ
ಜೊತೆಯಲಿ
ಅಕ್ಕಅಣ್ಣ ತಮ್ಮತಂಗಿ ಬಣ್ಣದ ಚಿತ್ರದಲಿ
ಹಾಡುವಾಗ ನೋವ
ಕೊರಳ ಬಿಗಿದಿದೆ
ಸಂತೈಸಲು ಮಾತೊಂದು ಹಾಡಾಗಿ ಹರಿದಿದೆ//
ಯಾರ ಸ್ಮರಣೆ ರಾಗವಾಗಿ
ಬಂದಿತೋ
ಯಾರ ಒಲವ ಸಾಲಾಗಿ
ಪದ್ಯವಾಯಿತೋ
ಯಾರ ಕರುಣೆ ಕಾವ್ಯವಾಗಿ ಬರೆಯಿತೋ
ಎದೆಯ ಗೂಡಲಿ ಭದ್ರವಾಗಿ ಉಳಿದವೆಷ್ಟೋ//
ಡಾ.ರೇಣುಕಾತಾಯಿ.ಸಂತಬಾ.
About The Author
ತುಂಬಾ ಚೆನ್ನಾಗಿದೆ
ಧನ್ಯವಾದಗಳು..