ಕಾವ್ಯ ಸಂಗಾತಿ
ನಿಜಗುಣಿ ಎಸ್ ಕೆಂಗನಾಳ
ಕಾದಂಬರಿ
ಈ ಕಲ್ಲು ಕರಗಿ ನೀರಾಯಿತು
ಈ ಮನಸು ಅರಳಿ ಹೂವಾಯಿತು
ಈ ಬದುಕು ಬೆಳಗುವ ಜ್ಯೋತಿಯಾಗಿ
ಈ ನನ್ನ ಕನಸು ನನಸಾಗಿ ನಮ್ಮ ಬದುಕೆ
ಒಂದು ವಿಶ್ವ ದಾಖಲೆಯ ಕಾದಂಬರಿಯಂತೆ…!
ನನ್ನೋಳಗೆ ನೀನೊಂದು ಕಥೆಯಾಗಿ
ನಿನ್ನೋಳಗೆ ನಾನೊಂದು ಕವಿತೆಯಾಗಿ
ಸಂಸಾರವೆಂಬ ಜಟಕಾಬಂಡಿಗೆ ಬಿಡಿಸದ
ಬಂಧುವಾಗಿ ನಾವಿಬ್ಬರೂ ನಿಂತಿರಲು
ಈ ನಮ್ಮ ಬದುಕೆ ಒಂದು ಚಂದನವನದ
ನಂದಾ ದೀಪವಂತೆ…!
ನಾ ಕಂಡ ಮೊದಲ ಕನಸು ನೀನೇ
ನಾ ಕಂಡ ಕೊನೆಯ ಮನಸು ನೀನೇ
ನಾ ಬರೆದ ಮೊದಲ ಕವಿತೆಯು ನೀನೇ
ಆ ಕವಿತೆಯಲ್ಲಿ ಅರಳಿದ ಸಾಲುಗಳೇ
ಈ ನನ್ನ ಮನದಾಳದ ಮಾತುಗಳಂತೆ…!
ನನ್ನನ್ನು ನೀನು ನಂಬಿ ಬಂದಿರುವೆ
ನಿನ್ನನ್ನು ನಾನು ನನ್ನ ಮನೆಯ
ದೇವತೆಯಾಗಿ ಸ್ವೀಕಾರ ಮಾಡಿರುವೆ
ಈ ನನ್ನ ಮನೆಗೆ ನಂದಾ ದೀಪವಾಗಿ
ನೀನೇ ಬಂದಿರಲು ಈ ನಮ್ಮ ಬದುಕೆ ಒಂದು
ವಿಶ್ವ ದಾಖಲೆಯ ಕಾದಂಬರಿಯಂತೆ…!
ನಿಜಗುಣಿ ಎಸ್ ಕೆಂಗನಾಳ
About The Author
