ಕಾವ್ಯ ಸಂಗಾತಿ

ಶಾಲಿನಿ ಕೆಮ್ಮಣ್ಣು

ಜೀವನ ಸಂತೆ

ಜೀವನ ಸಂತೆ ಮಾರ್ಕೆಟ್
ಬದುಕಲು ಭ್ರಮಣದ ಟಾರ್ಗೆಟ್

ವಾರಕ್ಕೊಮ್ಮೆ ಊರವರ ಸಂಭ್ರಮದ ತರಾತುರಿ
ತಾಜಾ ಖರೀದಿ ವಿಲೇವಾರಿಯ ತ್ವರಿತದ ದಿನಚರಿ

ಆಹಾರ ಖಾದ್ಯಗಳ ಕಚ್ಛಾಸಾಮಗ್ರಿಗಳ
ತರಕಾರಿ, ಹಣ್ಣುಗಳ, ನಿತ್ಯ ವಸ್ತುಗಳ
ಚೌಕಾಸಿಯ ಭರ್ಜರಿ ವ್ಯಾಪಾರ
ನಮ್ಮವರು ತಮ್ಮವರ
ಗುರುತು ಪರಿಚಯಗಳ
ಹಳತು ಹೊಸತುಗಳ ಮಿಶ್ರಣ ಅಪಾರ

ವ್ಯಾಪಾರದಂತೆ ಜೀವನ ಮೇಳ
ಲಾಭ ನಷ್ಟಗಳ ಬಿರುಸಿನ ಹಿಮ್ಮೇಳ

ಎಲ್ಲಿಂದಲೋ ಬಂದವರು ಸೇರಿದಂತೆ
ಸಂಬಂಧ ಸಂಸ್ಕೃತಿಯ ವಿನಿಮಯ ಜಾತ್ರೆಯಂತೆ

ಪ್ರತಿ ಸಂತೆಯು ಒಂದು ಕಲಿಕೆ
ಮರೆಯದ ನೆನಪಲಿ ನೆನೆಯುವ ಬಯಕೆ

ಜೀವನ ಅನುಭವದ ಮಹಾ ಸಂತೆ
ಹಿತ ಆಹಿತಗಳ ಮೇಲಾಟವಂತೆ
ಒದಗಿದನು ಸ್ವೀಕರಿಸಿ ಮೆದ್ದವಗೆ ಬೆಲ್ಲವಂತೆ
ಧಿಕ್ಕರಿಸಿ ಮುಗ್ಗರಿಸಿದವಗೆ ಕಹಿಬೇವಂತೆ

ಲಾಭ ಗಳಿಸಿದರೆ ಮೊಗದಲಿ ಮಂದಹಾಸ
ನಷ್ಟವಾದರೆ ಕಷ್ಟವಾದೀತು ಅಂದಿನ ಗ್ರಾಸ

ಲಾಭ ನಷ್ಟಗಳು ಸಂತೆಯಲಿ ಸಾಮಾನ್ಯ
ನಕ್ಕು ಸ್ವೀಕರಿಸಿದರೆ ಇತಿಹಾಸ ಮಾನ್ಯ

ಶಾಲಿನಿ ಕೆಮ್ಮಣ್ಣು

About The Author

admin

See author's posts