ಕಾವ್ಯ ಸಂಗಾತಿ

ಗಜಲ್

ರಾಹುಲ ಮರಳಿ

ಊಟವ ಮಾಡಿಸುತ ಕಥೆಯೊಂದಿಗೆ ಚಂದಾ ಮಾಮನ ತೋರಿಸಿದವರು
ಜಗತ್ತಿಗೇ ಚಂದಿರಿನ ಮೇಲೆ ತ್ರಿವರ್ಣವನಿಟ್ಟು ಭಾರತದ ಕೀರ್ತಿ ತಿಳಿಸಿದವರು

ಮುಖಕ್ಕೆ ಫೇಸ್ಪ್ಯಾಕ್ ಹಾಕಿ ಬ್ಯೂಟಿ ಪಾರ್ಲರ್ ಹೋದವರೆಲ್ಲ ಸಾಧಕರಲ್ಲ
ಇಸ್ರೋವಿನ ಸಾಧನೆಯ ಗರಿಮೆಯನ್ನು ಹೆಚ್ಚಿಸಲು ಬಿಡದೇ ಶ್ರಮಿಸಿದವರು

ಹೆಣ್ಣು ನಾಲ್ಕು ಗೋಡೆಯ ಅಡುಗೆ ಮನೆಗೆ ಸೀಮಿತವೆನ್ನುವುದು ಗತಕಾಲ
ದ್ವಿಚಕ್ರದಿಂದ ಬಾಹ್ಯಾಕಾಶ ವರೆಗೂ ಉತ್ತಮ ಜವಾಬ್ದಾರಿ ನಿಭಾಯಿಸಿದವರು

ಮೈತುಂಬ ಸೀರೆಯನುಟ್ಟ ಮಲ್ಲಿಗೆ ಮುಡಿದ ಮಾತೆಯರೆ ಕೈ ಮುಗಿವೆ
ಮರಳಿ ಯತ್ನವ ಮಾಡಿ ಚಂದ್ರಯಾನವನ್ನು ಯಶಸ್ವಿಯಾಗಿ ಸಾಧಿಸಿದವರು

ಹೆಣ್ಣು ಕೋಮಲೆ ನೈದಿಲೆ ಮಾತ್ರವಲ್ಲ ಅವಳೊಬ್ಬ ಸ್ಪೂರ್ತಿಯ ಸೆಲೆ ಜೀವಕವಿ
ಪ್ರತಿ ಭಾರತ ವಿಜ್ಞಾನಿ ಮಹಿಳೆ ದೇಶದ ಸಂಸ್ಕೃತಿಯ ಉಳಿವಿಗೆ ಕಾರಣವೆನಿಸಿದವರು

ರಾಹುಲ ಮರಳಿ

About The Author

admin

See author's posts