ಹಮೀದಾ ಬೇಗಂ ದೇಸಾಯಿ-ಯಾರ ಮೊರೆ.. - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯಸಂಗಾತಿ

ಹಮೀದಾ ಬೇಗಂ ದೇಸಾಯಿ

ಯಾರ ಮೊರೆ

ಅಜ಼ಾನ್ ಆಗುತಿದೆ
ದೂರದ ಮಸೀದಿಯಲಿ
ಗಂಟೆ ಮೊಳಗುತಿದೆ
ಓಣಿಯ ದೇವಸ್ಥಾನದಲಿ
ಮೇಣಬತ್ತಿ ಬೆಳಗುತಿದೆ
ಸಮೀಪದ ಚರ್ಚಿನಲಿ…

ಆದರೆ, ಖುಷಿಯಾಗಿಲ್ಲ ಯಾರೂ
ನಿಷ್ಕ್ರಿಯ ಯಂತ್ರದಂತೆ ;
ಅಲ್ಲಾಹು ,ಶಿವ, ಏಸು ಎಲ್ಲರೂ
ಕಣ್ಮುಚ್ಚಿದ್ದಾರೆ ಒಳಗಣ್ಣನು
ಕಣ್ತೆರೆದರೂ ಏನೂ ಕಾಣದಂತೆ ;
ಜಾಣ ಕಿವುಡರಾಗಿದ್ದಾರೆ
ಜಗದ ಕೊಳಕು ಸಂತೆಯ ಗದ್ದಲಕೆ…