ಕಾವ್ಯ ಸಂಗಾತಿ
ಕವಿತೆಯಾಗೊ ಆಸೆ
ನಾರಾಯಣ ರಾಠೋಡ
ಬಿಳಿಯ ಹಾಳೆಗಳಲ್ಲಿ ಅಕ್ಷರವಾಗುವ ಆಸೆ
ಕವಿಯ ಕೈಬೆರಳುಗಳಲ್ಲಿ ನಲಿದಾಡುವಾಸೆ
ಕವಿಯ ಕನವರಿಕೆಯ ಕವಿತೆಯಾಗೊ ಆಸೆ
ಕವಿ ಕಂಡ ಕನಸಿನ ಹಕ್ಕಿಗೆ ರೆಕ್ಕೆಯಾಗೊ ಆಸೆ
ಕನಸಿನ ಹುಡುಗಿಗೆ ಪ್ರೇಮಾಂಕುರವಾಗೊವಾಸೆ
ಅಳುವ ಮಗುವಿಗೆ ಜೋಗುಳವಾಗೊವಾಸೆ
ಬರಡಾದ ಮನಸ್ಸಿಗೆ ಭಾವವಾಗೊವಾಸೆ
ಕತ್ತಲೆಯಾದ ಬಾಳಿಗೆ ಬೆಳಕು ಮೂಡಿಸುವಾಸೆ
ಹತಾಶೆಯಾದಮನಸ್ಸಿಗೆಭರವಸೆಯಾಗೊವಾಸೆ
ಒಡಲಾಳದ ತುಡಿತವನ್ನು ಹೊರಹೊಮ್ಮುವಾಸೆ
ಜನರ ಹೃದಯಗಳನ್ನು ತಣಿಸುವಾಸೆ
ಒಡೆದ ಮನಗಳನ್ನು ಬೆಸೆಯುವಾಸೆ
ದೂರಾದ ಪ್ರೇಮಿಗಳನ್ನು ಒಂದಾಗಿಸುವಾಸೆ
ಜಾತಿ ಮತವೆನ್ನುವವರ ಜೊತೆಗೂಡಿಸುವಾಸೆ
ಮನುಜಮತ ವಿಶ್ವ ಪಥ ಸಾರುವಾಸೆ
ಜಗಜ್ಜನರಿಗೆ ಮಾನವತೆಯ ಮಂತ್ರವಾಗುವ ಆಸೆ
About The Author
Nice sir…
Superb ….Narayan sir
Thank you GURUPRASAD SIR