ಕಾವ್ಯ ಸಂಗಾತಿ
ನನ್ನೊಲುಮೆಯಿಂದಲೆ
ಆದಪ್ಪ ಹೆಂಬಾ ಮಸ್ಕಿ
ನಾ ನಿನ್ನ ನೆನೆಯದೆ
ಬಾನೊಳು ರವಿ ಉದಯಿಸುವುದಿಲ್ಲ
ನಿನ್ನ ಸವಿನಗೆಯ
ನನ್ನೊಳಗಿನ ಕವಿ ಮರೆಯುವುದೆ ಇಲ್ಲ ||
ಅದೆಷ್ಡು ಸಂಯಮಿ?
ಆ ಸೃಷ್ಟಿಕರ್ತ
ಅಳೆದೂ ತೂಗಿ ನಿನ್ನ ಕಂಗಳಿಗೆ
ಬಣ್ಣ ಬಳಿದ ||
ಸ್ಥಿತಿ ಕಾರಕ ಶಿವ
ಕ್ರೂರಿ ಕೊಂಚ
ನಿನ್ನನ್ನು ನನ್ನಿಂದ
ದೂರವಿಟ್ಟ ||
ಲಯಕಾರಕನ ಆಟ ಕಾಟ
ಶುರುವಾಗೋ ಮುನ್ನ
ಸಾಗರವ ನದಿ ಸೇರುವಂದದಿ
ನಿನ್ನ ನಾ ಸೇರುವಾಸೆ ||
ಮಲ್ಲಿಗೆಯಿಂ ಸಿಂಗರಿಸೊ ಮುನ್ನ
ಕೇಶರಾಶಿಯ ನೇವರಿಸಿ
ಹೊಳೆವ ಕಂಗಳಿಗೊಮ್ಮೆ
ಮಧುರ ಮುತ್ತನಿಡುವಾಸೆ ||
ತಿಂಗಳನು ಸರಿದೊಡನೆ
ವಕ್ಕರಿಸುತಿಹನು ಮಂಗಳ
ಬೇಸರಿದಿರು ನಲ್ಲೆ
ಕಾತರಿಸುತಿಹೆನು ನಾನೂ||
ನೀನಿಲ್ಲದೂರಿನಲಿ ಸ್ವರ್ಗವಿದ್ದರು ಏನು ?
ತಾಳು
ಬಂದು ಸೇರುವೆ ನಾನು
ನಿನ್ನೆದೆಯ ಮಹಲನ್ನು||
About The Author
Kavana tumba chennagide kavigala kavana nammannu matte vasantakke jaariside
One more nice poem. Wish you all the best
Superb sir
Super