ಆಶಾ ಯಮಕನಮರಡಿಯವರ ಗಜಲ್ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಆಶಾ ಯಮಕನಮರಡಿಯವರ ಗಜಲ್

ಪ್ರೀತಿಸಿದೆ ಎಂದ ಮಾತ್ರಕ್ಕೆ ನನ್ನತನ ತೊರೆದಿಲ್ಲ ತಿಳಿದುಕೊ
ಸ್ವಾಭಿಮಾನದಿ ಬದುಕುವಾ ಕಲೆ ಯನ್ನು ಮರೆತಿಲ್ಲ ತಿಳಿದುಕೊ

ಎಲ್ಲವನು ಎದುರಿಸಿ ಬದುಕುವುದುಸುಲಭವಲ್ಲ ಗೊತ್ತು ನನಗೆ
ಯಾರಿಲ್ಲದಿದ್ದರು ಜಗವೇನು ನಿಲ್ಲುವುದಿಲ್ಲ ತಿಳಿದುಕೊ

ಮುಸುಕಿನ ಗುದ್ದಾಟದಲಿ ವ್ಯರ್ಥವಾದವು ದಿನಗಳೆಷ್ಟೊ
ಇರುಳಿನಾ ಸತ್ಯಗಳನ್ನು ಯಾರೂಅರಿಯದವರಿಲ್ಲ ತಿಳಿದುಕೊ

ಎಷ್ಟು ದಿನ ತಡೆಯಲಾದೀತು ಒಳಮನದ ಬೇಗುದಿಯನು
ಎದೆಯಾಳದ ಲಾವಾ ಚಿಮ್ಮಿದರೆಏನೂ ಉಳಿಯುವುದಿಲ್ಲ ತಿಳಿದುಕೊ

ಸಾತ್ವಿಕತೆಯ ಸೋಗು ಸಾಕಿನ್ನು ಬಿಟ್ಟುಬಿಡು ನಿನಗೆ ಶೋಭಿಸದು
ಆಶಾ ಳ ಕನಸುಗಳು ಎಂದೂ ಸೋಲುವುದಿಲ್ಲ ತಿಳಿದುಕೊ