ಕಾವ್ಯಸಂಗಾತಿ
ಗಜಲ್
ಮುತ್ತು ಬಳ್ಳಾ ಕಮತಪುರ
ನೀ ಬರುವಿಕೆ ಹಾದಿಯಲಿ ಏನೋ ಜೀವಂತಿಕೆ ಈ ಮಣ್ಣ ಋಣ |
ಕಾಯುವ ಕಾತುರದಲಿ ಕಳಚಿದ ಮಡಿವಂತಿಕೆ ಈ ಮಣ್ಣ ಋಣ |
ನಿಲುಕದ ದಾರಿಯಲಿ ಹೇಳದೆ ಉಳಿದ ಕ್ಷಣಗಳಿಗೆ ಸಾಕ್ಷಿ ಬೇಕಿದೆ |
ಜನರ ನಡುವೆ ಅರಳಿದ ಹೂವಿನ ಸಿರಿವಂತಿಕೆ ಈ ಮಣ್ಣ ಖುಣ ||
ಒಂಟಿ ಪೋರನ ಊರಾಚೆಯ ಕಲ್ಲುಬಂಡೆಗೂ ನೂರಾರು ಕಥೆ |
ಮುಗಿಯದ ನೋವಿಗೆ ಶಿಲೆಗಳೆ ಗುಣವಂತಿಕೆ ಈ ಮಣ್ಣ ಋಣ ||
ಜೋಡಿಸುವವರ ನುಡಿಗಿಂತ ಒಡೆಯುವವರ ಮಾತು ಭೂಮಿಗೆ |
ಕೂಡುಕೊಳ್ಳುವಿಕೆ ಸಂಗಮ ನೆಲದ ಛಲವಂತಿಕೆ ಈ ಮಣ್ಣ ಋಣ ||
ಕಣ್ಣ ಗಡಿಯೊಳಗೆ ಜಗದ ರೂಪವನು ನಿಭಾಯಿಸುವ ಶಕ್ತಿ ಮುತ್ತು |
ಕನಸುಗಳ ಸೃತಿಪಟಲ ಭೂರಮೆ ಹೃದಯವಂತಿಕೆ ಈ ಮಣ್ಣ ಋಣ ||
About The Author
ಧನ್ಯವಾದಗಳು ಸರ್