ಕವಿತೆ
ಮೌನ ಹನಿಗಳು
ಸುಧಾ ಎನ್.ತೇಲ್ಕರ್
೧
ಹೊಂದಿಕೆಯಿರದ ಭಾವಗಳಲಿ
ಮಾತು ಮದ್ದಳೆ ಬಾರಿಸಿತ್ತು
ಉಸಿರು ಬಿಗಿ ಹಿಡಿದ ಮೌನ
ಸದ್ದಿಲ್ಲದೆ ಪಟ್ಟು ಬಿಗಿದಿತ್ತು
೨
ಮೌನದ ಕಪ್ಪೆ ಚಿಪ್ಪಲ್ಲಿ ಅಡಗಿತ್ತು
ಮಾತಿನ ಸ್ವಾತಿ ಮುತ್ತು
ಕಣ್ರೆಪ್ಪೆಯಲಿ ಜಾರದೆ ಕುಳಿತಿತ್ತು
ಮಡುಗಟ್ಟಿದ ಹನಿ ಮುತ್ತು
೩
ಮಾತಿನ ಚೂರಿ ಮೊನಚಿಗೆ
ಹೃದಯ ರಕ್ತ ಒಸರಿತ್ತು
ನಿಟ್ಟುಸಿರಿನ ಮೌನವೇ
ಗಾಯಕ್ಕೆ ಮುಲಾಮು ಸವರಿತ್ತು
೪
ಮಾತು ಕಲಹದ ಹೊನಲಾಗಿ
ಹರಿದಿತ್ತು
ಮೌನವೇ ಅದರ ರಭಸಕೆ
ಆಣೆಕಟ್ಟು ಹಾಕಿತ್ತು
೫
ಬೆಳ್ಳಿ ನುಡಿಗಳು
ತುಂಬಿದ್ದ ಖಜಾನೆಗೆ
ಹಾಕಿತ್ತು ಚಿನ್ನದ
ಮೌನದ ಬೀಗ
********************
About The Author
V. Nice
Thanks a lot madam/sir.
Heart touchable emotional feelings.. simply superb….
Thanks a lot Latheesh.
Beautiful
Thank you so much madam/sir.