ಹಂಬಲಿಸಿರುವೆ
ಶಿವಲೀಲಾ ಹುಣಸಗಿ
ನಿನ್ನ ಮೇಲೊಂದು ಮುನಿಸಿದೆ
ಕಾರಣ ಹೇಳಲ್ಲ ಚಿಂತಿಸೊಮ್ಮೆ.!
ಕನಿಕರಿಸದ ಇರುಳುಗಳೆಲ್ಲ
ಉರುಳುಗಳಾಗಿ ಬೆಸೆದಿವೆ..!
ಮಬ್ಬಿನಲೊಂದು ನಿಟ್ಟುಸಿರು
ತುಟಿಯಂಚಿನಲೊಂದು
ಹಸಿಯಾದ ಮೌನದುಸಿರು.!
ಕಾಡಿಗೆಯ ಕರಿನೆರಳು..
ಕಮರಿದಾ ಪುಷ್ಪದಂತೆ
ರತಿ ಉರಿದು ಭಸ್ಮವಾದಂತೆ..!
ಕಪ್ಪುಛಾಯೆಯ ಬಿಂಕನಾನೊಲ್ಲೇ
ಮಡುಗಟ್ಟಿದ ಒಡಲುನನ್ನಲ್ಲೇ
ನಿನ್ನುಸಿರ ಅಪ್ಪುಗೆಯಲಿ ಬಿಗಿದು
ಮುತ್ತಿನಾ ಮಳೆಯ ಸುರಿದ ಬಾರದೇ
ನನಗಿನ್ನೇನೂ ಬೇಕಿಲ್ಲ..ನಲ್ಲಾ..
ನಿನ್ನ ಹಿಡಿ ಪ್ರೀತಿಯ ಹೊರತು…!
ನಿನ್ನೊಟಕೆ ಹುಸಿಗೋಪ ಮರೆವೆನು
ಮರುಗಿದಾಗೆಲ್ಲ ಕನವರಿಕೆಗಳು
ಮೊಳಕೆಯೋಡಯದ ಕನಸುಗಳು
ನಿಟ್ಟೂಸಿರು ಬಿಡದಾ ಕಂಗಳು..!
ನೀ ನೀಡಿದ ಉದರಾಗ್ನಿಯಲಿ
ಬೆಂದು- ಬಸವಳಿದಿರುವೆ
ಚಿರನಿದ್ರೆಗೆ ಜಾರುವ ಗಳಿಗೆಯಲಿ
ಮನದ ಪ್ರತಿಬಿಂಬವಾಗ ಬಾರದೆ….?
ಮುನಿಸಾದರೂ ನನ್ನೊಳಗೆ
ಮನಸಾದರೆ ನಾ ನಿನ್ನೊಳಗೆ
ಹೃದಯವನರಿಯೆಂದು ಪರಿತಪಿಸಿರುವೆ.
ಪ್ರೀತಿಗಾಗಿ ಹಗಲಿರುಳು ಹಂಬಲಿಸಿರುವೆ.
*********
About The Author
