ಕಾವ್ಯ ಸಂಗಾತಿ
ಎಮ್ಮಾರ್ಕೆ
ಗಜಲ್
ಇಲ್ಲಿ ಪ್ರೀತಿಗೂ ಜಾತಿಯ ಲೇಪಿಸುತ್ತಾರೆ ಕೆಂಪಿ
ಪರಿಶುದ್ಧವಾಗಿಹ ಪ್ರೀತಿಯ ಶಪಿಸುತ್ತಾರೆ ಕೆಂಪಿ
ಅಂತಸ್ತುಗಳ ಅಡ್ಡ ತಂದು ಖೆಡ್ಡಾ ತೋಡಿದ್ದಾರೆ
ಅಂದಿನ ರಿವಾಜು ರೀತಿಯ ಪಾಲಿಸುತ್ತಾರೆ ಕೆಂಪಿ
ಪ್ರೇಮ-ಕಾಮವೆರಡು ಒಂದೇ ತಟ್ಟೆಯ ತಿನಿಸು
ಬೇಧವ ಗೈದು ನೀತಿಯ ಭೋಧಿಸುತ್ತಾರೆ ಕೆಂಪಿ
ಕಡೆಯತನಕ ಹಿಡಿಯಬೇಕೆಂದ ಕೈಗಳೀಗ ಖಾಲಿ
ಭಾವಗಳ ಸುತ್ತ ಬೇಲಿಯ ಹಾಕಿಸುತ್ತಾರೆ ಕೆಂಪಿ
ಕುಂಬಾರನ ಬಗ್ಗೆ ಕಿವಿ ಚುಚ್ಚುವದೀಗ ಸಹಜವೇ
ಇಂದಿನ ಆಸೆಗೆ ನಾಳೆಯ ಸಾಯಿಸುತ್ತಾರೆ ಕೆಂಪಿ
ಎಮ್ಮಾರ್ಕೆ
About The Author
