ಗಜಲ್ ಸಂಗಾತಿ
ಸರ್ವಮಂಗಳ ಜಯರಾಂ
ಗಜಲ್
.
ತೈಲವಿಲ್ಲದೆ ದೀಪ ಹೊತ್ತೀತು ಹೇಗೆ ಬೆಳಕು ಹಬ್ಬೀತು ಹೇಗೆ /
ಒಲವಿಲ್ಲದೆ ಹೃದಯ ಮಿಡಿದೀತು ಹೇಗೆ ಮನವು ಹಾಡೀತು ಹೇಗೆ /
ಇಂದು ಮುಳುಗಿದ ಸೂರ್ಯ ನಾಳೆ ಬಂದೇ ಬರುವನು /
ಪ್ರೀತಿ ಇಲ್ಲದೆ ಬೆಳಕು ಹರಿದೀತು ಹೇಗೆ ಭರವಸೆ ಹುಟ್ಟೀತು ಹೇಗೆ /
ಪ್ರತಿ ರಾತ್ರಿ ಚಂದ್ರ ತಂಪು ಬೆಳಕನು ತರುವನು /
ಒಗ್ಗಟ್ಟಿಲ್ಲದೆ ಜೇನು ಕಟ್ಟೀತು ಹೇಗೆ ಬೆವರು ಸಿಹಿಯಾದೀತು ಹೇಗೆ /
ಭುವಿಯು ತಿರುಗುತ್ತಿದೆ ನಿತ್ಯ ನಿರಂತರ /
ಕರಿ ಮುಗಿಲು ಇಲ್ಲದೆ ಮೋಡ ಕಟ್ಟೀತು ಹೇಗೆ ಮಳೆಯು ಸುರಿದೀತು ಹೇಗೆ /
ಡೊಂಕು ಬಾಲದ ಹಗಲು ವೇಷದ ನಾಯಕರೇ ತುಂಬಿಹರು /
ನೀತಿ ಇಲ್ಲದೆ ಧರ್ಮ ಉಳಿದೀತು ಹೇಗೆ ಶಾಂತಿ ನೆಲೆಸೀತು ಹೇಗೆ /
ಸರ್ವಮಂಗಳ ಜಯರಾಂ.
About The Author
