ಕಾವ್ಯ ಸಂಗಾತಿ
ಪರವಿನ ಬಾನು ಯಲಿಗಾರ
ʼಮುಂಗಾರು ಮಳೆʼ
ಈ ಮುಂಗಾರು ಮಳೆಗೆ ಅದೆಂಥಹ
ಮಾಯೆಯಿದೆಯೋ ?
ತುಂಬಿ ತನ್ನೋಡಲಲಿ , ಸುರಿಯುವುದು ಅನುರಾಗದ ಸುಧೆಯ ಹೊತ್ತೊಮ್ಮೆ.
ತುಂಬಿ ತನ್ನೆದೆಯಲಿ , ಸುರಿಯುವುದು
ಅಗಲಿಕೆಯ ನೋವ
ಹೊತ್ತೊಮ್ಮೆ .
ತುಂಬಿ ತನ್ನುಸಿರಿನಲಿ , ಸುರಿಯುವುದು
ನೆನಪುಗಳ ಭಾರ
ಹೊತ್ತೊಮ್ಮೆ….
ತುಂಬಿ ತನ್ನ ತನುವಿನಲ್ಲಿ
ಸುರಿಯುವುದು ವಿರಹದ ಬೇಗೆ ಹೊತ್ತೊಮ್ಮೆ….
ಈ ಮುಂಗಾರು ಮಳೆಗೆ ಅದೆಂಥಹ
ಮಾಯೆಯಿದೆಯೋ ?
ಈ ಮಳೆಯ ಸಿಂಚನಕೆ ಮೈ ಕೊಡವಿ
ಕುಡಿಯೊಡೆಯುವವು , ವನಸಿರಿಗಳು…..
ಈ ಮಳೆಯ ರಭಸಕೆ ಕೊರಗಿ ಕೊಚ್ಚಿ
ಹೋಗುವವು ,
ಭೂ ಐಸಿರಿಗಳು…..
ಈ ಮಳೆಯ ಕೊರತೆಗೆ ಕಮರಿ
ಮರೆಯಾಗುವವು , ಹೊಸ ಚಿಗುರುಗಳು…..
ಈ ಮುಂಗಾರು ಮಳೆಗೆ ಅದೆಂಥಹ
ಮಾಯೆಯಿದೆಯೋ ?
————
ಪರವಿನ ಬಾನು ಯಲಿಗಾರ
