ಕಾವ್ಯ ಸಂಗಾತಿ
ಹಮೀದಾಬೇಗಂ ದೇಸಾಯಿ
ಬಾ..ಮೂಡಿ ಬಿಡು..
ಅದೇಕೋ,
ನೀ ಬಾರದೆ ಹೋಗುವೆ
ನಿನ್ನ ನೆನಪಿಸಿಕೊಂಡಾಗಲೆಲ್ಲ…
ಅದೆಷ್ಟೋ ,
ಅವ್ಯಕ್ತ ಭಾವನೆಗಳು
ಚಿಮ್ಮುತ್ತವೆ
ಎದೆಯ ಒರತೆಯಿಂದ
ನೀನಿಲ್ಲದೆ ಇರುವಾಗ…
ಎಷ್ಟೊಂದು
ರಮಿಸುವೆ ಒಮ್ಮೊಮ್ಮೆ
ನಗಿಸುವೆ , ಅಳಿಸುವೆ ಕೂಡ
ಕೊನೆಗೊಮ್ಮೆ ಮೌನವಾಗಿ ಬಿಡುವೆ…
ಯಾಕೆ ಹೀಗೆ
ಕಾಡುವೆ, ನಿದ್ದೆಗೆಡಿಸುವೆ,
ಕಣ್ಣಾಮುಚ್ಚಾಲೆ ಆಟವಾಡಿಸಿ,
ಮೋಜು ನೋಡುವೆಯಲ್ಲ…
ಬಾ ,
ನನ್ನೊಳಗಿನ ಚೈತನ್ಯವನು
ಭಾವ ಕಲಶದೊಳು ತುಂಬಿ,
ಮೂಡಿಬಿಡು ಹಟ ಮಾಡದೆ,
ನನ್ನ ಮುದ್ದು ಕವಿತೆಯೇ..
ಪ್ರೀತಿಯ ಗೆಳತಿಯೇ..
ಹಮೀದಾಬೇಗಂ ದೇಸಾಯಿ
About The Author
ಚಂದದ ಕವಿತೆ
ಧನ್ಯವಾದ ಸ್ಪಂದನೆಗೆ ತಮಗೆ.