ಕಾವ್ಯ ಸಂಗಾತಿ
ಸವಿತಾ ದೇಶಮುಖ
ʼಅಂತರಂಗ ಮೃದಂಗʼ
ಅಂತರಂಗ ಮೃದಂಗ – ಮೀಟಿ
ನೂರೊಂದು ರಾಗ-ರಂಗ ಕಟ್ಟಿ
ಹಾಡುತಿರೆ ಸುಪ್ತ ಚೈತನ್ಯ -ಧಾಟಿ …!೧!
ಅಂತ ನಿಲುಕದ ಅನಂತ
ನೀಲಿ ಮುಗಿಲ ಏರಿದ -ನಾದ
ಗಾನ ಲಹರಿ ಅಮೃತಾಂದ ಮೃದಂಗ! ೨!
ಮಿಡಿದು ಭಾವ-ರಾಗ ಹೊಂದಿಸಿ
ಅನುಭಾವ ಸುಗಂಧ ವೇಣಿ ಪೋಣಿಸಿ,
ಶಾಂತಿ ರಸ ರಂಜಿಸುತ ಓಲೈಸಿ !೩!
ಆನಂದ-ಹೊಸ ಗಾನವ ನುಡಿಸಲು
ಮೌನದ ಉಸಿರು ಸರಿಸಿ ಎದೆಯ
ಸೀಳಿ ಕೇಳಿತೊಂದು ಪ್ರಶ್ನೆಯ….!೪!
ಪ್ರೀತಿ-ಪ್ರೇಮ -ಒಲುಮೆ ಒಳರ್ಮಮ..
ಇಂತೊಮ್ಮೆ ಅಂತರಂಗದ ಸ್ವರಹೊಮ್ಮಿ
ಕೇಳಿತ್ತು ಗುಟ್ಟನು.. ಹೇಳೊಮ್ಮೆ? …..!೫!
ಪ್ರೇಮವು ಭಕ್ತಿ- ಚಿತ್ತ ನಿಲುಮೆ
ಒಳಹೊಕ್ಕಿ ನೋಡಲು ಒಲುಮೆಯು
ಪವಿತ್ರದಾಗರವು – ಮೃದಂಗವು !೬!
ವೈಣಿಕನುಡಿಸಿದಂತೆ ನುಡಿವದು
ದಿವ್ಯ ಸಂಗೀತಡೆ -ನಡೆವ ನಡೆ
ಪ್ರಶಾಂತ ಕಾಂತಿಯುತ ಸುಳಿದೇರುತಿಹ!೭!
ರಾಗ ಪ್ರಭೇಯು… ಅಂತರಂಗ ಮೃದಂಗ…
ಸವಿತಾ ದೇಶಮುಖ
ಅದ್ಭುತ ಅನುಭಾವದ ಕವನ