ಕಾವ್ಯ ಸಂಗಾತಿ
ಲಲಿತಾ ಕ್ಯಾಸನ್ನವರ
ಮನೆ
ಬಾಳದಿನದ ಕನಸಿಗೆ
ಬಣ್ಣ ಹಚ್ಚಿರುವೆ
ಹಚ್ಚಿದ ಬಣ್ಣದೊಳಗೊಂದು
ಮನೆಯ ಚಿತ್ತಾರ ಬಿಡಿಸಿರುವೆ
ಕಂಬದ ಮೇಲೊಂದು
ಬಿಂಬದ ಗೊಂಬೆ ಇಟ್ಟಿರುವೆ
ಆ ಬಿಂಬದ ಜೊತೆ ನನ್ನೆ ಕಂಡಿರುವೆ
ಮನೆ ಮೇಲೆ ನನ್ನ ಮನಸಿಟ್ಟಿರುವೆ
ಗಂಧ ಚಂದನದಿ ಛಂದನೆಯ
ಅಟ್ಟಣಿಗೆ ಮಾಡಿರುವೆ
ಆಕಾಶಕ್ಕೆ ಎತ್ತರವಾಗಿ ಚಂದ್ರಚಿಕ್ಕಿ
ನೋಡಿ ಹರುಷ ಪಟ್ಟಿರುವೆ
ಮನೆಯದು ನಾಕವು
ನಗುವಿರಲು ಸುಖವು
ದೇವರ ದಯವಿರಲು
ಜೇನಿನ ಸವಿ ಈ ಜೀವನವು
ಮನೆಯಂಗಳದಿ ರಂಗೋಲಿ
ಒಲವ ಸಂಸ್ಕಾರವು
ಒಗ್ಗಟ್ಟಾಗಿ ಬದುಕಿದರೆ
ಅದೇ ಮನೆಗೆ ಸಿರಿಸಂಪದವು
———————
ಲಲಿತಾ ಕ್ಯಾಸನ್ನವರ
