ಕಾವ್ಯ ಸಂಗಾತಿ
ನಾಗೊಂಡಹಳ್ಳಿ ಸುನಿಲ್
ಓ… ಇನ್ ಆ ಕಾಲ ಬತ್ತಾದ?
ರಾತ್ರಿ ಕೋಡಿ ಹೋಗಂಗಿ ಮಳೆ ಹೊಯ್ದು
ವತೀನೆ ಪಲಾಸ್ಗ ಶಿನ್ಕುಗ್ಳು ಬಿಳೋವಾಗ
ತಲ್ಮ್ಯಾಗೊಂದು ಗೋಣ್ ಶೀಲ ಗೊಂಗ್ಡಿ ಹಾಕೆಂಡು
ಆಳಂಬಿಗ್ಳು ಹುಡ್ಕೆಂಡು ಹೋತಾ ಇದ್ರೆ
ಎಂಗಿರೋದ್ ತಿಳೇದ
ಇನ್ ಆ ಕಾಲ ಬತ್ತಾದ
ಅಂತ ನಮ್ ತಾತ್ನು ತೂಟ್ ಕತ್ಲಾಗ
ಕತೆಗ್ಳು ಹೇಳ್ತಾ ಇದ್ದುದ್ದು
ಶಂದಾಗ್ ಗ್ಯಾಪಕ ಬತ್ತದ
ರಾಗಿ ಪೈರ್ಗ್ಳಾಗ ಸಾಸಿವೆ ಕಂಕಿಗಳು
ಮಂದ್ಗ ಹೂಗ್ಳು ಬಿಡೋ ವತ್ಕ
ಎಂಡರ್ಕಾಯ್ಗ್ಳಾಗ ಕೊಬ್ಬು
ಶಂದಾಗಿ ಬಲ್ತೋಗಿರೋದಂತೆ
ಆ ಕೆರೆಗ್ಳ್ತಾಕ ಹೋಗಿ ಮಣಕಾಲ್ ಗಂಟ
ಊತ್ಕಳೊ ಬುದ್ರ್ಯಾಗ ಕಾಲ್ಗ್ಳಿಕ್ಕೆಂಡು
ಮುದುರೆ ಹಾಕಿರೋ ಬಕ್ಕಿಗ್ಳಾಗ
ಎಂಡರ್ಕಾಯ್ಗ್ಳು ಒಳಿಕ್ಕ್ಯಾ ಈಶ್ಕ್ಯಾ
ಬುಳು ಬುಳ್ನ ಹೋತಾ ಇದ್ರೆ ಕೈಯಿಕ್ಕಿ
ಅವುಗ್ಳ ಇಡ್ಕಂಡು ಗಡಿಗ್ಯಾಗ ಹಾಕೆಂಡ್
ಮನೇಕ್ ಬಂದು ಸನ್ಯಾನಾಗ ಅಡಿಗೆ ಮಾಡಿ
ಹುಳಿಕ್ಕಿ ಆಮ್ರ ಮಾಡ್ಬಿಟ್ರೆ
ಮುದ್ದಿಗ್ಳು ಗುಳುಂ ಗುಳುಂ ಅಂತ
ಹೋತಾ ಇರೋದು
ಇನ್ ಆ ಕಾಲ ಬತ್ತಾದ?
ನಾವು ಐಕ್ಳಿದ್ದಾಗ ನಮ್ ಮನಿಗ್ಳಾಗ
ಎಮ್ಮೆ ಮೇಸಕ ಕಳ್ಸೋರು
ನಾನು ಮುನೆಂಟ್ನು, ಶೀನಪ್ನು
ಒಂದಿಡಿ ಅಕ್ಕಿ ತಕಂಡು ಟೆಂಕಾಯಿ ಶಿಪ್ಗಳಾಗ
ಅನ್ನ ಬೇಶ್ಕೆಂಡು
ಆ ಎಂಟೇಶಪ್ನೋರ್ ಒಂಭತ್ ಮಟ್ ಬಾವ್ಯಾಗ
ವತೀನಿ ಧುಮ್ಕ್ ಬಿಟ್ರೆ
ಒತ್ ಮುಳೋಗಂಟ ಮ್ಯಾಕ್ ಬತ್ತೀರ್ಲಿಲ್ಲ
ಆ ದಿಕ್ಕೆಟ್ ಗೊಡ್ಡುಗ್ಳು ಶರಾಟ್ಲಿ ಕಿತ್ಕೊಂಡು
ಎತ್ತೋಗೋವೆ ಏನೊ
ಕಿಂದಿಟ್ಲು ಮಿಂದಿಟ್ಲು ಬಿದ್ಕಂಡು
ಬಿರೇ ಕೈಯಾಗ ಮನೇಕ ಬಂದ್ರೆ
ನಮ್ ಅಪ್ನ ಕೈಯಾಗ
ಬೂಡ್ಸ್ ಬದುಕೇಗೋದು
ಓ… ಇನ್ ಆ ಕಾಲ ಬತ್ತಾದ?
ಇಸ್ಕೋಲಾಗ ಗಣಿತ ಮೇಷ್ಟ್ರು ಕಂಡ್ರೆ
ಮ್ಯಾಲಿಂದ ಕೆಳಿಗಂಟ ಉಚ್ಚ್ಗಿಳು ಅಟ್ಕೆಳೇರಿ
ಮಗ್ಗಿಗ್ಳು ಹೇಳ್ದೀರ ಶ್ಯಾನೆ ಮಾತಾಡ್ಕೆಂದ್ ಕೂತ್ಕಂಡಿದ್ರೆ
ಗೆಣುಗ್ಳು ಮುರ್ದೋದಂಗೆ
ಇಡ್ಕಂಡು ನಸ್ಕೋರು
ಆ ಮೇಷ್ಟ್ರು ಒಯ್ಯೋ ಏಟ್ಗಳ್ಕ
ದಿಗಲೆತ್ಕೆಂಡು ನಿಕ್ಕಾರಾಗೆ ಏತ್ಕಂಡ್
ಮನ್ಕಿ ಬಂದ್ರೆ ಬ್ಯಾಡೇಳು
ಅವತ್ತೆಲ್ಲಾ ಅಮ್ಮ ಕೈಯಾಗ ಶಿತಾಲ್ ಪತಾಲ್
ಪರ್ಕಿಗ್ಳು ಮುರ್ದೋಗೋವು
ಹಿಟ್ ಕೋಲುಗ್ಳು ಮುರ್ದೋಗೋವು
ಓ.. ಇನ್ ಆ ಕಾಲ ಬತ್ತಾದ??
ನಾಗೊಂಡಹಳ್ಳಿ ಸುನಿಲ್
