ಕಾವ್ಯ ಸಂಗಾತಿ
ಶ್ರೀಪಾದ ಆಲಗೂಡಕರ
ಗಜಲ್
ದತ್ತ ಪದ :- ಗೆಳೆತನ
ಅಳಿಯದ ಗೆಳೆತನಕೆ ಅಕ್ಕರೆಯ ಸವಿಯ ಎರೆಯಬೇಕಿದೆ ಇಂದು
ಉಳಿಸುವ ಸ್ನೇಹಕೆ ಜೇನಿನ ಹನಿಯ ಪೊರೆಯಬೇಕಿದೆ ಇಂದು
ಬದುಕಿನಲಿ ಸಾಂತ್ವನವ ಕೊಡುವ ಕರುಳಿನ ಕುಡಿಯಂತೆ
ಅಲ್ಲವೇ
ಬಾಳಿನಲಿ ಸಂತಸದ ಕ್ಷಣಗಳ ಹಂಚಿ ಮೆರೆಯಬೇಕಿದೆ ಇಂದು
ಬಾಲ್ಯದ ನೆನಪುಗಳು ಮರುಕಳಿಸಿ ಜೊತೆಯಾದ ದಿನಗಳು ಮರೆತಿಲ್ಲ
ಬೆಲ್ಲದ ಸಿಹಿಯಂತೆ ಮನದ ಇಂಗಿತವನು ಬರೆಯಬೇಕಿದೆ ಇಂದು
ನೋವಿನಲಿ ಸ್ಪಂದಿಸಿ ಹೃದಯದಲಿ ಮನೆ ಮಾಡಿರುವ ಸಂಗಾತಿ
ನಲಿವಿನಲಿ ಅಮೃತವ ಕುಡಿಸುವ ಮೈತ್ರಿಯ ಕರೆಯಬೇಕಿದೆ ಇಂದು
ತುಂಟಾಟದ ಪರಮಾವಧಿ ಮುಟ್ಟಿಸಿ ಹರಿಸುವ ಹುರುಪು ಶ್ರೀಪಾದನದು
ಒಂಟಿತನ ಕಾಡುವ ಮೌನವನು ಮುರಿದು ಬೆರೆಯಬೇಕಿದೆ ಇಂದು
ಶ್ರೀಪಾದ ಆಲಗೂಡಕರ
ಸೂಪರ್