ಪಕಳೆಗಳೊಂದಿಗೆ ಪಗಡೆಯಾಟ ಕವಿತೆ-ಮಹಾಂತೇಶ್.ಬಿ.ನಿಟ್ಟೂರು,

ಕಾವ್ಗ ಸಂಗಾತಿ

ಪಕಳೆಗಳೊಂದಿಗೆ ಪಗಡೆಯಾಟ

ಮಹಾಂತೇಶ್.ಬಿ.ನಿಟ್ಟೂರು

ಓಡುತಿವೆ ಕುದುರೆಗಳು ವೇಗವಾಗಿ
ಅರಸ ಅರಸಿಯರ ಕೂರಿಸಿಕೊಂಡು….
ಅಕ್ಕ-ಪಕ್ಕ, ಹಿಂದೆ ಮುಂದೆ
ಕಾಲಾಳು, ಭಟರ ದಂಡು!

ವೃತ್ತದ ಗೆರಯಾಚೆಯೇ ಓಡಾಟ,
ಒಡನಾಟ
ದಾಸವಾಳದ ಪಕಳೆಗಳೊಂದಿಗೆ
ಪಗಡೆಯಾಟ!

ಏಗುತ್ತಾ ಸಾಗಿವೆ ಕತ್ತೆಗಳು
ರಣ ಬಿಸಿಲಿನಲ್ಲಿ, ಮಳೆ ಗಾಳಿಯಲ್ಲಿ
ಹೊತ್ತುಕೊಂಡೇ ಮಣ ಭಾರ,
ಹಾದಿ ಬದಿಯ ನೆರಳು
ಸರಿಯುತಿಹುದು ದೂರ !

ಕಂಡೂ ಕಾಣದಂತೆ….
ಬುಸುಗುಡುತ್ತಿವೆ ಖಾಲಿ ಹುತ್ತ
ಹಾವಿನ ಪೊರೆ ಮಾತ್ರ
ಹರಿದಾಡುತ್ತಿದೆ ಸುತ್ತ ಮುತ್ತ…..!

ಮಾನವನ ನವ ನವೆಗೆ
ವಾಡಿಕೆ ಹುಸಿ, ವಾಡೆ ಬಿಸಿ !

---

 ಮಹಾಂತೇಶ್.ಬಿ.ನಿಟ್ಟೂರು