ಕಾವ್ಯ ಸಂಗಾತಿ
ಹಸಿ ಗೋಡೆಯ ಕನಸು
ಮಹಾಂತೇಶ್.ಬಿ.ನಿಟ್ಟೂರ್
ಕಾಲೇಜಿನ ಹಸಿಗೋಡೆಯ ಬಿಸಿ ಕನಸು
ಕಾಮನ ಬಿಲ್ಲಿನ ರಸದೋಕುಳಿಯ ಸೊಗಸು!
ನೆಲೆ ಅರಿಯದ, ನೆಲ ಕಾಣದ ನೋಟ
ಕನ್ನಡಿ ನಾಚುವಷ್ಟು ಬಿಂಬದ ಮೈ ಮಾಟ!
ಆಸೆಗಳು;
ಹೂಗಳ ಮೇಲಾಡುವ ಚಿಟ್ಟೆ
ನಿರೀಕ್ಷೆ;
ಮುಳ್ಳಿನ ಮೇಲೆ ಹಾಸಿದ ಬಟ್ಟೆ!
ಪರೀಕ್ಷೆ;
ನಿಶ್ಚಿತ ಗೆರೆ ಮೇಲೆ ಅನಿಶ್ಚಿತ ಕಟ್ಟೆ!
ಸೋಲಿನ ಸೊಲ್ಲಡಗಿಸಿ
ಒಲವು ಗೆಲುವಾಗಲು;
ಕಾದ ನೆಲಕೆ ಮಳೆಯ ಸಿಂಚನ,
ಸ್ಪರ್ಶದ ಪ್ರತಿ ಕ್ಷಣ ರೋಮಾಂಚನ!
ರತಿ-ಮನ್ಮಥರಿಗೂ ಹೊಟ್ಟೆ ಕಿಚ್ಚು;
ಕೂದಲು ಸೀಳುವ ವಾರೆ ನೋಟಕ್ಕೆ…
ಯೌವನದ ಹೊಳೆಯಲ್ಲಿ
ತೇಲಾಡುವ ಸರಸದಾಟಕ್ಕೆ!
ಬಯಕೆಯ ಬಯಲು ಹಸಿರು ಕಾಣದಿರೆ….
ವಿರಹದ ಉರಿಗೆ
ಅತಿರೇಕದ ಎಣ್ಣೆ ತಾಗಿ
ಮನದ ತುಂಬಾ ನೋವಿನ ಬರೆ!
ಬಿದ್ದ ಮಳೆಯ ಹನಿಗಳೆಲ್ಲಾ
ಆಗಲಾರವು ಸ್ವಾತಿ ಮುತ್ತು!
ಹಸಿ ಗೋಡೆಯ ಕನಸು
ಸೂಪರ್ ಇದೇ ಸಾರ್
ನೀವು ಬರೆದ ಕವಿತೆ ಬಹಳ ಚನ್ನಾಗಿ ಇದೆ
ನಮ್ಮ ಕವಿ ಮಹಾಶಯರೇ ಇನ್ನೂ ಹೆಚ್ಚಿನ ಕವಿತೆ ರಚಿಸಿ ಮಹನೀಯರೇ
Great creative writing Sir..you a source of innovative ideas
Dear Maantesh Nittur,what a wonderful Kavana,” Hasi Godiya Kanasu “.
It reminds ,and take us back to College days.
Hearty Congratulations.
Dear Mahantesh Nittur,what a wonderful Kavana “Hasi GodiaKanasu”.
It reminds and take us to our college days.
“Hearty Congratulations “