ಜಯಚಂದ್ರನ್ ಕವಿತೆಗಳು

ಕಾವ್ಯ ಸಂಗಾತಿ

ಜಯಚಂದ್ರನ್ ಕವಿತೆಗಳು

ಬದುಕಿನೊಳಗಣ ಮೌನ

ಬದುಕು ನನಗೆ ಕೊಟ್ಟಿದ್ದು ಮೌನ
ಯಾತನೆಯ
ಶೂನ್ಯ

ಧ್ವನಿಯಿಂದ ವಂಚಿತನಾದ
ನನಗೆ
ಇರುವುದೊಂದೇ ದಿಕ್ಕು
ತಿಳಿಯದ
ಸುತ್ತು ಹಾಕಿದ,
ನಾನೇ ಕಟ್ಟಿಕೊಂಡ ಬಂಧನದ ಕಾಡು
ಕಾಡುವ ಮೌನ

ಕಳೆದ ಕ್ಷಣಗಳೊಳಗಣ ದರಿದ್ರ ಮೌನವನ್ನು,
ಈ ಸ್ತಬ್ಧ ಶಬ್ದಗಳಲ್ಲಿರಿಸಿ ಅನಿವಾರ್ಯ ದುರಂತಕ್ಕಿಳಿಸಿದ್ದೆನೆ.
ಕ್ಷಮಿಸು,
ಬೇರೆ ದಾರಿಯಿಲ್ಲ.ಯಾಕೆಂದರೆ
ಬದುಕು ದುರ್ಬರವಾಗಿದೆಯಲ್ಲ ?
…….

ಹರವು

ಜೀವ ಸ್ಪರ್ಶದ ಬೆಳಕಿನಲಿ
ಬೆಳಗಿಹುದು ಅರಿವು .
ಹುಟ್ಟು ಸಾವುಗಳ ನಡುವೆ
ಹುದುಗಿಹುದು
ಅರಿವಿನಾ ಹರವು
……..

ಆಂತರ್ಯ

     ಕಾಲಗರ್ಭದಲಿ 
     ಅಂತರ್ ಪಿಶಾಚಿ 
      ನಾನಾದೆ. 
      ರಹಸ್ಯ ತಿಳಿಯಲೆಂದು 
      ಹೊರಟ ನನಗೆ
      ತಿಳಿಯಲಿಲ್ಲ--
      ಪರಮಾರ್ಥದ ಬೇಲಿ. 
-------------------------------------------