ಕಾವ್ಯ ಸಂಗಾತಿ
ಪ್ರಜ್ವಲಾ ಶೆಣೈ
ಕೋರಿಕೆ
ಅಂಬರ ಚುಂಬಿತ ಮಿನುಗು ತಾರೆಗಳೇ
ನನ್ನೊಡಲಿನ ಅಂಧಕಾರಕೆ ಬೆಳಕಾಗುವಿರಾ?
ಚಂದಿರನ ಬೆಳಕು ಸಾಗರದ ಅಲೆಯ ತುಂಬಾ
ಹಬ್ಬಿರಲು ಎನ್ನೆದೆಯ ಕೋಲ್ಮಿಂಚು ಪುಟಿದೆದ್ದಿತು
ಆಗಸದಿ ಅಡಗಿ ನಿಂದಿರುವ ಮೇಘಗಳೇ
ಕಾದು ಕೆಂಪಾದ ಮನವ ತಂಪಾಗಿಸುವಿರಾ?
ಹೂ ಮಳೆಯ ಸಿಹಿ ಮುತ್ತು ಧರೆಯ ತುಂಬಾ
ಮುತ್ತಿರಲು ಮಣ್ಣ ಸುವಾಸನೆಯು ಘಮ್ಮೆಂದಿತು
ಬಾಂದಳದಿ ಹಾರಾಡುತಿಹ ಪಕ್ಷಿಗಳೇ
ಎನಗೂ ದಿಗಂತದೆಡೆ ಹಾರಲು ಕಲಿಸುವಿರಾ?
ತೊಳ್ಬಲಕೆ ಭರವಸೆಯೆ ಬೆಳಕು ಎಂಬಾ
ಮಾತಿರಲು ಹೊಸ ಕನಸೊಂದು ರೆಕ್ಕೆ ಕಟ್ಟಿತು
ದಿಗಂತದಿ ಹೊಳೆಯುವ ಸೂರ್ಯಚಂದ್ರರೇ
ವಸುಂಧರೆಯ ಹಸಿರಿಗೆ ಉಸಿರಾಗುವಿರಾ?
ಪಶು ಪಕ್ಷಿ ಸರ್ವ ಜೀವಜಂತುಗಳೆಂಬಾ
ಜಗವಿರಲು ಭೂಮಂಡಲ ಸಾರ್ಥಕವಾಯಿತು..
———————————-
ಪ್ರಜ್ವಲಾ ಶೆಣೈ
About The Author
Really besutyful ಕವನಗಳು hats off to you
Thank you
Thank you
ಒಳ್ಳೆ ಕವಿತೆ
Beautiful super ♥️
Thank you
ಸುಂದರವಾದ ಕವನ..
Thank you,
ವಿವಿಧ ಸಂಗಾತಿ ಯ ವರ್ಣನೆ ಚೆನ್ನಾಗಿತ್ತು
Thank you
Suppppr
Nice