ಕಾವ್ಯ ಸಂಗಾತಿ
ಅರ್ಚನಾ ಯಳಬೇರು
ಬೆಹರ್ ಆಧಾರಿತ ಗಜಲ್
ಮೌಲ್ಯಗಳ ಪಾಲನೆಗೆ ಪ್ರೀತಿಯಲಿ ಸಂಚಲನ
ಮೌಢ್ಯಗಳ ಲಾಲಸೆಗೆ ಪ್ರೇಮದಲಿ ಸಂಚಲನ
ಜೀಕುವೆವು ಜೀವನವ ವಂಚಕರ ಸಂಚಿನಲಿ
ಆರ್ಭಟದ ಆಪ್ತತೆಗೆ ಬಂಧದಲಿ ಸಂಚಲನ
ಭವ್ಯತೆಯ ಚಾದರವ ಹಂಗಿರದೆ ಹೊದ್ದಿಹೆನು
ಕಾತರದಿ ಕಾದಿರುವ ಕಂಗಳಲಿ ಸಂಚಲನ
ಸ್ವಪ್ನಗಳ ಸಂಭ್ರಮವು ಚಿತ್ತವನು ಛೇಡಿಸಿದೆ
ಚೆಂಬೆಳಕ ಚೆಲ್ಲುತಿಹ ನಲ್ಮೆಯಲಿ ಸಂಚಲನ
ಸೋಲುಗಳ ಸಖ್ಯದಲಿ ಅರ್ಚನಳ ಆರುಮೆಯು
ಸಂಶಯದ ಸೌಷ್ಟವಕೆ ನೇಹದಲಿ ಸಂಚಲನ
About The Author
