ಕಾವ್ಯ ಸಂಗಾತಿ
ಈರಪ್ಪ ಬಿಜಲಿ.
ವೇಷಗಾರರು?
ಹಸಿರು ಶಾಲನು ಕತ್ತುಹಿಸುಕಿ, ಉಸಿರುಗಟ್ಟಿಸುವವರು
ನಾವುಗಳು ನಂಬಿರುವ ಈ ವೇಷಗಾರರು ||೧||
ಹೊರೆ ಹೊತ್ತವರ ಹೊಟ್ಟೆ ಬಗೆದು,
ಹೊಟ್ಟೆ ಮೇಲೆ ಬರೆ ಹಾಕುವವರು
ನಾವುಗಳು ನಂಬಿರುವ ಈ ವೇಷಗಾರರು ||೨||
ಬಿತ್ತಲು ನಿಶ್ಯಕ್ತ ಬೀಜಗಳ ನೀಡಿ
ಹತ್ತಲು ಬಾರದ ಕೂಪಕ್ಕೆ ತಳ್ಳುವವರು
ನಾವುಗಳು ನಂಬಿರುವ ಈ ವೇಷಗಾರರು ||೩||
ನಿರ್ಮಲವಾದ ಮನಗಳಲಿ
ಕೋಮುಗಲಬೆಯ ಕಿಚ್ಚ್ಹಚ್ಚುವವರು
ನಾವುಗಳು ನಂಬಿರುವ ಈ ವೇಷಗಾರರು ||೪||
ನೀತಿ ನಿಯಮ ಕಾನೂನು ಗಾಳಿಲಿ ತೂರಿ
ಜಾತಿವೃಕ್ಷಗಳ ಹೇರಳವಾಗಿ ಬೆಳೆಸುವವರು
ನಾವುಗಳು ನಂಬಿರುವ ಈ ವೇಷಗಾರರು ||೫||
ಐದು ವರ್ಷಕ್ಕೊಮ್ಮೆ ಆಮೀಷಗಳ ತೋರಿಸಿ,
ಪ್ರಜೆಗಳ ಕೈಯಿಂದ ಪ್ರಭುತ್ವ ಕಿತ್ತುಕೊಳ್ಳುವವರು
ನಾವುಗಳು ನಂಬಿರುವ ಈ ವೇಷಗಾರರು ||೬||
ಪ್ರಜಾಪ್ರಭುತ್ವದ ಸಮವಸ್ತ್ರವ ತೊಟ್ಟು
ರಾಜಪ್ರಭುತ್ವವ ನಡೆಸುವವರು
ನಾವುಗಳು ನಂಬಿರುವ ಈ ವೇಷಗಾರರು ||೭||
ನಾಡ ಪ್ರಭುಗಳ ಮುಖವಾಡ ಧರಿಸಿ
ನಾಡನ್ನೆಲ್ಲ ಲೂಟಿ ಮಾಡುತಿಹರು
ಬಲ್ಲವರು ಹೇಳಿ ಯಾರೀ.. ವೇಷಗಾರರು ||೮||
ಕವನ ಪ್ರಕಟಣೆಗಾಗಿ ಹೃತ್ಪೂರ್ವಕವಾದ ಧನ್ಯವಾದಗಳು ಸರ್