ಕಾವ್ಯ ಸಂಗಾತಿ
ಬಣ್ಣ – ಬದುಕು
ಶ್ರೀವಲ್ಲಿ ಮಂಜುನಾಥ
ಕೆಂಪು ಬಣ್ಣದಲಿಹುದು
ಆಸೆ, ಬಲ, ಪ್ರೀತಿಗಳು;
ಜೊತೆಯಲ್ಲಿ ಬೆರೆತಿಹುದು
ಅಪಾಯದಾ ಸೂಚನೆ :
ನೀಲಿ ಯಲಿ ತುಂಬಿಹುದು
ಅನಂತ ಆಗಸದಾ ಶಕ್ತಿ;
ಧೀರ, ಗಂಭೀರವದರಾ
ಜೊತೆಗೆ ಬೆರೆತಿಹುದು !
ಕೇಸರಿ ಯ ಬಣ್ಣದಲಿ
ಕ್ರಿಯಾತ್ಮಕತೆ ಮನೆಮಾಡಿ;
ನಿರೀಕ್ಷೆ, ಸಂತಸದೊಡನೆ
ಎಚ್ಚರಿಕೆಯೂ ಇಹುದು !
ಹಳದಿ ಬಣ್ಣವು ತಾನು
ಉಲ್ಲಾಸೋತ್ಸಾಹವ ನೀಡಿ;
ಜ್ಞಾನದೊಂದಿಗೆ ಬದುಕ
ಉನ್ನತಿಗೆ ಒಯ್ಯುವುದು !
ಲವಲವಿಕೆ, ಜೀವಂತಿಕೆ
ಹಸಿರಿ ನಾ ಉಸಿರಲಿದೆ;
ಪ್ರಕೃತಿ ಮಾತೆಯ ಗುರುತು,
ಸ್ನೇಹದಾ ಕುಹುರ ತೋರಿದೆ!
ಬಿಳಿ ಶಾಂತಿಯ ತವರು,
ಸಹನೆ, ಮಮತೆಯ ತೇರು;
ಸಮಾನತೆಯ ಬಿಂಬಿಸುವ
ಸ್ವಚ್ಛ ಮನದಾ ಸಂಕೇತ !
ಬಗೆಬಗೆಯ ಭಾವಗಳ
ಹೊರಹೊಮ್ಮಿಸುತ್ತಿರುವ;
ಬಣ್ಣಗಳ ಸಂತೆಯೇ
ಈ ನಮ್ಮ ಬದುಕು !
