ಕಾವ್ಯ ಸಂಗಾತಿ
ಡಾ. ನಿರ್ಮಲ ಬಟ್ಟಲ
ಒಲವು ಬೆಳೆಸಿಕೊಳ್ಳುವುದೆಂದರೆ
ಒಲವು ಬೆಳೆಸಿಕೊಳ್ಳುವುದೆಂದರೆ
ಸರಳ ಮಾತಲ್ಲ….
ಮಾತು ಮಾತಲ್ಲಿ ಮಾಧುರ್ಯದ
ಜೇನು ತುಂಬಿ ಸ್ಪೂರಿಸಿ
ಬಯಲಿನೊಳಗೊಂದು
ಮೂರ್ತಿ ರೂಪಿಸಿ
ಮನದೊಳಗೊಂದು
ಭಾವ ಮಂಟಪ ಕಟ್ಟಿದಂತೆ…
ಏಕಾಗ್ರತೆಯಲಿ ಮಂತ್ರ ಜಪಿಸಿ
ಒಲವು ಪೂಜೆ
ಸಾಕಾರಗೊಳಿಸಿಕೊಳ್ಳಲು ಪ್ರೇಮ ಪುಷ್ಪ ಅರ್ಪಿಸಿ
ಜ್ಯೋತಿ ಬೆಳಗಿಸಿಕೊಂಡು
ಅರಿವಿನ ಬೆಳಕ ಅನುಭವಿಸುವಂತೆ
ಗಂಧದ ಕಡ್ಡಿಯ ಒಳಕಿಡಿಯ ಪ್ರೇಮದ ತುಡಿತದ ಪರಿಮಳ
ಮನದಿ ಹದಗೊಂಡ ಭಾವಗಳ ಭಸ್ಮ
ಪೀಚು ಕಾಯಿಯೊಂದು ಫಲಿತು
ಹಣ್ಣಾಗುವವರೆಗೆ ಕಾಯ್ದು ನೈವೇದ್ಯವಿಟ್ಟಂತೆ
ಅಡೆತಡೆಗಳ ಮೀರಿ ಆಸಕ್ತಿ ಕದಡದಲೆ ತೊಡಗಿಸಿಕೊಳ್ಳುತ
ಇರುವುದೆಲ್ಲವ ಮರೆತು
ಸ್ಥಳ ಕಾಲ ಮಿತಿ ಮೀರಿ
ಸದಾಕಾಲ ಧ್ಯಾನಿಸುವ
ಯೋಗಿಯ ತೆರನಂತೆ
ನಿರಂತರ ತಪಸ್ಸಿನಿಂದ ಪಡೆದ ವರ
ಒಲವ ಸನ್ಮಾನ
ಉನ್ಮಾದ ತೊರೆದ ಭಾವಬಂಧನದಿ
ಆತ್ಮ ಸಂಗತ್ಯದ
ನಿಜ ತೃಪ್ತಿ ಸಾಕ್ಷಾತ್ಕಾರಗೊಂಡಂತೆ
Very good message to mankind.
Congratulations Nirmalaji
ಸುಂದರ ಕಾವ್ಯ.
ಅಭಿನಂದನೆಗಳು ಮೇಡಂ.
Thank you very much
ಒಳ್ಳೆಯ ಬರವಣಿಗೆ ಅದ್ಭುತವಾಗಿದೆ ಮೇಡಂ ರೀ
ಜೇಡರ ಬಲೆಯಂತೆ
ನವಿರು
ನಿಮ್ಮ ಕವಿತೆ
ತುಂಬಾ ಚೆನ್ನಾಗಿ ಮೂಡಿಬಂದಿದೆ.
– ಡಾ. ನಾಗೇಂದ್ರ
ಸೂಪರ್ mdm
ಆಹಾ..!
ಸುಂದರ ಸಾಲುಗಳು ಮೇಡಂ ಜೀ
—– ಸದಾ ಕಾಲ ಧ್ಯಾನಿಸುವ
ಯೋಗಿಯ ತೆರನಂತೆ
ಅದ್ಬುತ ಕಾವ್ಯ ರಚನೆ.
ಅಭಿನಂದನೆಗಳು ಮೆಡಮ್