ಅನುವಾದ ಸಂಗಾತಿ
ನನ್ನತನ
ಆಂಗ್ಲ ಮೂಲ : ಜಿಮ್ಮೀ ಓಸ್ಬರ್ನೇ
ಅನುವಾದ. : ಬಾಗೇಪಲ್ಲಿ ಕೃಷ್ಣಮೂರ್ತಿ
ನಾನು ಸ್ಪರ್ಶಿಸಿದೆಲ್ಲಾ ಹೃದಯಗಳು
ನಾ ಉಸಿರೆಳೆದು ಬಿಟ್ಟ ಬಿಸಿಗಾಳಿ
ನಾ ಯೋಚಿಸಿದೆಲ್ಲಾ ಅಲೋಚನೆಗಳು
ನಾ ನೋಡಿದ ಸಕಲ ಸಾಮಗ್ರಿಗಳು
ನಾ ಉಳಿಸಿಹೋದ ಹೆಜ್ಜೆಗುರುತು
ನನ್ನನು ನನ್ನತನಕಿಂತ ಚೂರು ಹೆಚ್ಚಾಗಿಸಿವೆ.
ಮೇಲೆ ನಭದಲಿ ಆರ್ಭಟಿಸಿದ ಗುಡುಗಿನಲಿ
ಶುಭರಾತ್ರಿ ಕೋರಿ ನೀಡುವ ಚುಂಬನದಲಿ
ಸ್ನೇಹ ಪೂರ್ವಕ ಬಿಗಿ ಅಪ್ಪುಗೆಯಲಿ
ವರ್ಣಮಯ ಚಿಟ್ಟೆಗಳಲಿ
ತಟ್ಟನೆ ಬೆಳಗುವ ಮಿಣುಕು ಹುಳದಿ
ಹೀಗೆ..ನಾ ಪ್ರೀತಿಸಿದ ಪ್ರತಿಯೊಂದರಲಿ ನನ್ನ ನೀವು ಕಾಣಬಹುದು
ನಾ ತೋರಿದ ಸಾಹಸಕಿಂತ
ಸುರಿಸಿದ ಕಣ್ಣೀರಿಗಿಂತ
ಬಿಟ್ಟ ನಿಟ್ಟುಸಿರು ನಕ್ಕ ನಗುವಿಗಿಂತ
ದಾರಿಹೋಕರಿಗೆ ಉಡುಗೊರೆಯಂತೆ,
ನಿಮ್ಮ ಕಣ್ಣಿಗೆ ಗೋಚರಿಸುವುದಕಿಂತ
ನಾನು ತುಸು ಹೆಚ್ಚೇ!
ನನ್ನ ದೇಹದೊಡನೆ ಬದುಕು ಬಿಟ್ಟು ಆತ್ಮ ಸ್ವರೂಪಿ ಸ್ಥಿತಿ ತಲುಪಿದ ಮೇಲೆ
ಹರಿದು ಹಂಚಿ ಹೋದ ನಾ ಕ್ರಮಿಸಿದ ದಾರಿಯಲ್ಲಿ,
ನಿನ್ನ ಜ್ಞಾಪಕದಲ್ಲಿ
ನಾನು “ನೆನಪಾಗಿ” ಇರುವೆನಾ?
ಎಂದು ಕೇಳ ಬಯಸುವೆ.
ಆಂಗ್ಲ ಮೂಲ : ಜಿಮ್ಮೀ ಓಸ್ಬರ್ನೇ
ಅನುವಾದ. : ಬಾಗೇಪಲ್ಲಿ ಕೃಷ್ಣಮೂರ್ತಿ
