ಪ್ರಭಾವಿತ ಮಹಿಳೆ
ಸಿಂಧು ಭಾರ್ಗವ್
ಕಷ್ಟಗಳ ಎದುರಿಸುತ
ನಿಷ್ಠೆಯಲಿ ಜೀವನವ ಕಳೆಯುವ
ಹೆತ್ತವ್ವ ನನಗೆ ಪ್ರಭಾವ ಬೀರಿದಳು
ಹಿಡಿದ ಗುರಿಯ ಸಾಧಿಸಲು
ಹಟದಿಂದ ಸಾಧನೆ ಮಾಡಿದ
ಹಿರಿಯಕ್ಕ ನನಗೆ ಪ್ರಭಾವ ಬೀರಿದಳು
ಗುರುಗಳ ಮಾರ್ಗದರ್ಶನದಲ್ಲಿ
ವಿನಯದಿಂದ ವಿದ್ಯೆ ಕಲಿತು
ಹಿರಿಯರ ಮೆಚ್ಚುಗೆ ಪಡೆದ
ತಂಗಿ ನನಗೆ ಪ್ರಭಾವ ಬೀರಿದಳು
ಇನ್ಫೋಸಿಸ್ ಸಂಸ್ಥೆಯ ಹುಟ್ಟುಹಾಕಿ
ಸರಳ ಸಜ್ಜನಿಕೆಯಿಂದ
ಸಂಸ್ಕೃತಿ, ಸೇವೆಯಲೇ ಬಾಳುವ
ಸುಧಾ ಅಮ್ಮ ನನಗೆ ಪ್ರಭಾವ ಬೀರಿದರು
ಹೆಣ್ಣು ಜಗಕೆ ಕಣ್ಣಾಗುವಳು
ಒಳ ಕಂಗಳಿಂದ ನೋಡಿರಣ್ಣ
ಅಹಂ ಇರುವ ಹೆಣ್ಣು ಎಂದಿಗೂ
ಬೆಳಕಾಗಳಣ್ಣ,
ಬಾಳು ಹೈರಾಣಾಗಿಸಲು ಹೆಣ್ಣೇ ಕಾರಣ
ಬದುಕು ಬೆಳಗಿಸಲು ಅವಳೇ ಭೂಷಣ
ತ್ಯಾಗ ಸಹನೆ ಹೊಳೆಯೋ ಎರಡು ಮುತ್ತುಗಳು
ಅವಳ ಮನದ ಮುಕುಟದಲ್ಲಿ ಅರಳಿ ನಿಲ್ಲುತಿರುವುವು
ಹೆಣ್ಣು ಮಗುವ ಹೊನ್ನಿನಂತೆ ಜೋಪಾನ ಮಾಡಿರಿ
ತನ್ನತನವ ಮೆರೆದು ಬದುಕೋ ಅವಳಿಗೆ ಕೈಯ ಮುಗಿಯಿರಿ!!
*****
