ಕಾವ್ಯ ಸಂಗಾತಿ
ನೆನಪಿನ ಬುತ್ತಿ
ಪುಷ್ಪಾ ಮಾಳಕೊಪ್ಪ
ಮತ್ತೆ ಏನಿಹುದು ನಿನ್ನೊಡನೆ ಕಳೆದಿಹ ದಿನವ
ಹೊತ್ತಸಿಹಿ ನೆನಪುಗಳ ಬುತ್ತಿಯೊಂದನು ಬಿಟ್ಟು |
ಒತ್ತಿ ಬರುಬರುತಿಹುದು ಘಳಿಗೆ ಕಳೆದಂತೆಲ್ಲ
ಕಿತ್ತು ಕಾಡಿದೆ ಎನ್ನ ಬಿಡದೆ ಮಾಯೆ||
ಹತ್ತು ವರುಷಗಳು ಕಳೆದಾರು ಜೊತೆಗೂಡಿರುವ
ಹೊತ್ತಲೆನ್ನಯ ಬಳಿಗೆ ಬಂದು ಸಾರಿ |
ಇತ್ತು ಒಲವಿನಲಂದು ಶಿರದಲಿಹ ನವಿಲುಗರಿ
ಚಿತ್ತ ಸೆಳೆದೋಡಿದೆಯೊ ನೀನೆತ್ತ ಜಾರಿ ||
ಬರುವೆ ನೀ ಎಂಬ ಒಂದಾಸೆಯಲಿ ಕಳೆದ ಚಣ
ಇರುತಿಹುದು ಬಿಸಿಲಲ್ಲು ಬೆಳದಿಂಗಳು |
ಬರಲಾರೆ ಎಂಬರಿವು ಅರೆಘಳಿಗೆ ಮೂಡಿರಲು
ಕರಗಿಹುದು ಕಾಯುತಿಹ ಬಿರಿಗಂಗಳು ||
ಸುರಿದೊಲವ ಇಬ್ಬನಿಯ ಎದೆಯ ಬೇಗುದಿಯನ್ನು
ಬರುವೆ ತಣಿಸುವೆಯೆಂಬ ಭರವಸೆಯ ತುಣುಕು |
ಚರಣದಾಸಿಯ ಬಾಳ ಕತ್ತಲೆಯ ಗೂಡಿನಲಿ
ಬರುವುದೆಂದಾದರೂ ಕಪ್ಪು ಬೆಳಕು||
One thought on “ಪುಷ್ಪಾ ಮಾಳಕೊಪ್ಪ-ಕವಿತೆ-ನೆನಪಿನ ಬುತ್ತಿ”