ಕಾವ್ಯ ಸಂಗಾತಿ
ಗಜಲ್
ಅನಸೂಯ ಜಹಗೀರದಾರ
ಅದೇಕೋ ನಿನ್ನ ತೊರೆಯಲು ಆಗುತ್ತಿಲ್ಲ
ಗೊತ್ತಿದೆ ನನಗೆ ನಿನ್ನ ತಲುಪಲು ಆಗುತ್ತಿಲ್ಲ
ಅದೇನು ಸೆಳೆತ ವರ್ತುಳದ ಈ ಬುವಿಗೆ
ನಿನ್ನ ತಾರತಮ್ಯವ ಮನ್ನಿಸಲು ಆಗುತ್ತಿಲ್ಲ
ಶತೃವನ್ನು ಪ್ರೀತಿಸಿದ್ದೂ ಇದೆ ಈ ನೆಲದಲಿ
ಒಡಲ ಬೆಂಕಿಯನು ನಂದಿಸಲು ಆಗುತ್ತಿಲ್ಲ
ಸಾವಿರ ಬಾರಿ ಹೇಳಿಕೊಳ್ಳುವೆ ಬಿಡಲು ನನಗೆ ನಾ
ಈ ಮಾಯೆಯಿಂದ ಹೊರಬರಲು ಆಗುತ್ತಿಲ್ಲ
ಒಮ್ಮೆಯೂ ತಿರುಗಿ ನೋಡದೆ ಇರಬೇಕೆನ್ನುವೆ
ಬೆಂಬತ್ತಿದ ಆ ಚಹರೆ ಅಲಕ್ಷಿಸಲು ಆಗುತ್ತಿಲ್ಲ
ಅಷ್ಟೊಂದು ಪ್ರೀತಿಯಿದೆಯೆ ನಿನ್ನ ದ್ವೇಷದಲಿ
ಧರಿಸಿದ ವೇಷ ತಿಳಿದಿದ ಒಪ್ಪಲು ಆಗುತ್ತಿಲ್ಲ
ನಿನ್ನ ಸುಳ್ಳು ಮೊಗ್ಗಿನ ಹಾರ ಧರಿಸಿಹಳು ಅನು
ಕೆರೆಹಾರವೆಂದು ತಿಳಿದೂ ಕಿತ್ತೆಸೆಯಲು ಆಗುತ್ತಿಲ್ಲ
ಅನಸೂಯ ಜಹಗೀರದಾರ
About The Author
ಚಂದದ ರಚನೆ….
ಶ್ರುತಿ
ಧನ್ಯವಾದಗಳು ಮೇಡಮ್.
ಸುಂದರ ಗಜಲ್.
ಹಮೀದಾ ಬೇಗಂ.
ಧನ್ಯವಾದಗಳು ಮೇಡಮ್.☺