ಡಾ.ಮಮತಾ (ಕಾವ್ಯ ಬುದ್ಧ)-ಗಝಲ್

ಕಾವ್ಯಸಂಗಾತಿ

ಡಾ.ಮಮತಾ (ಕಾವ್ಯ ಬುದ್ಧ)

ಗಜಲ್

ಸೂರ್ಯರಶ್ಮಿಯು ಹಣೆಮೇಲೆ ಬೀಳುವಂತಿದೆ ನಿನ್ನ ಮೊಗದ ಮಾಂತ್ರಿಕ ನಗು
ನನ್ನ ಹೃದಯದ ಗೂಡಿನಲ್ಲಿ ಅಚ್ಚಳಿಯದಂತಿದೆ ನಿನ್ನ ಮೊಗದ ಮಾಂತ್ರಿಕ ನಗು

ಸುಂದರ ಹೂದೋಟದಲ್ಲಿ ಅರಳುವ ಪುಷ್ಪಗಳಾಗಿ ಹೋಯಿತೇಕೆ
ಜೀವನದಲಿ ಹೊಸಹುರುಪು ನೀಡುವಂತಿದೆ ನಿನ್ನ ಮೊಗದ ಮಾಂತ್ರಿಕ ನಗು

ಮರುಭೂಮಿಯ ಓಯಸಿಸನಂತ ನಗೆಗೆ ನಾ ಬಂಧಿಯಾದೆ
ಹೊಸಚೈತನ್ಯದ ಚಿಲುಮೆ ಮೂಡಿಸುವಂತಿದೆ ನಿನ್ನ ಮೊಗದ ಮಾಂತ್ರಿಕ ನಗು

ಸಾಗರದಿಂದ ಉದ್ಬವಿಸಿದ ಮುತ್ತಂತೆ ಭಾವನಾತ್ಮಕ ನೋವಿದು
ದೂರಸರಿಯುವ ಸಮಯದಿ ಕಾಡಿಸುವಂತಿದೆ ನಿನ್ನ ಮೊಗದ ಮಾಂತ್ರಿಕ ನಗು

ನಕ್ಷತ್ರಗಳಿಗೂ ಹೊಳಪು ಕೊಟ್ಟು ಪೌರ್ಣಿಮೆಯ ಚಂದ್ರಳಾದೆಯಲ್ಲ
ಮಮತೆಯ ಕೀರ್ತಿ ಉತ್ತುಂಗಕ್ಕೆ ಏರಿಸುವಂತಿದೆ ನಿನ್ನ ಮೊಗದ ಮಾಂತ್ರಿಕ ನಗು

ಡಾ.ಮಮತಾ (ಕಾವ್ಯ ಬುದ್ಧ)

---