ಕಾವ್ಯ ಸಂಗಾತಿ
ಸ್ವಾತಂತ್ರ್ಯ ಅಮೃತ ಮಹೋತ್ಸವ ವಿಶೇಷ
ಈರಪ್ಪ ಬಿಜಲಿ ಕೊಪ್ಪಳ
ಸ್ವತಂತ್ರ ಭಾರತಕೆ ದುಡಿದವರ ಸ್ಮರಿಸಿ ಬಾವುಟ ಹಾರಿಸಬೇಕಿದೆ ನಾವು
ಪವಿತ್ರ ಭೂಮಿಗೆ ಮಡಿದವರ ನುತಿಸಿ ಹಿರಿಮೆ ಮೆರೆಸಬೇಕಿದೆ ನಾವು ||
ವಿಶ್ವವೇ ಮೆಚ್ಚಿ ಆರಾಧಿಸುವ ಸಂಸ್ಕ್ರತಿ ತಾಯಿ ಬೇರು ನಮದಲ್ಲವೇ
ವಿವೇಕಾನಂದರ ನೈಪುಣ್ಯತೆ ಮಕ್ಕಳ ಎದೆಯಲಿ ಕೂರಿಸಬೇಕಿದೆ ನಾವು ||
ಬಿಚ್ಚುಗತ್ತಿ ವೀರ ಶೂರ ಮಹಿಳೆಯರ ಸಾಧನೆ ಪೊಗಳುವ ಸುದಿನ
ವಂಚಿಸುವ ಆಂಗ್ಲರ ಗುಣಗಳ ಮನದಿಂ ದೂರ ಸರಿಸಬೇಕಿದೆ ನಾವು ||
ವಿಶ್ವೇಶ್ವರಯ್ಯ ಅಭಿಯಂತರರ ದಿವ್ಯ ದೃಷ್ಠಿ ನವ ಪೀಳಿಗೆಗೆ ಸ್ಪೂರ್ತಿ
ವಿವಿಧತೆಯ ತೊರೆದು ಐಕ್ಯತೆ ಮೆರೆದು ಜಗಕೆ ತೋರಿಸಬೇಕಿದೆ ನಾವು ||
ನೇತಾಜಿ ಗಾಂಧೀಜಿ ತಿಲಕರು ಹಚ್ಚಿದ ಸ್ವರಾಜ್ಯದ ಪಣತಿಲಿ ಬಿಜಲಿ ಮಿನುಗಿದೆ
ದಾಸ್ಯಕೋಟೆ ಭೇದಿಸಿದ ಹುತಾತ್ಮರ ಜಪಿಸಿ ಋಣ ತೀರಿಸಬೇಕಿದೆ ನಾವು ||
ಈರಪ್ಪ ಬಿಜಲಿ ಕೊಪ್ಪಳ
