ಕಾವ್ಯ ಸಂಗಾತಿ

ತೀರವಿರದ ಕಡಲು

ಅರುಣಾ ನರೇಂದ್ರ

ಸಖಿ ಗೀತೆ

ಅರುಣಾ ನರೇಂದ್ರ

ನಾ ನೆಟ್ಟ ಸಸಿಗೆ
ನೀನೇಕೆ ನೀರೆರೆದೆ
ಅದು ಬಿಟ್ಟ ಹೂವ
ಪರಿಮಳದಲ್ಲಿ
ನಿನ್ನದೇ ನೆನಪಿದೆ

l

ನೀ ತಂದ ಮಲ್ಲಿಗೆ
ಆಸೆಯಿಂದ ಮುಡಿದೆ
ಊರ ತುಂಬಾ
ನಿನ್ನ ಹೆಸರ ಹೇಳಿ
ಸುದ್ದಿ ಮಾಡಿದೆ ಸಖಾ..

Five-Pointed Star Jasmine Flowers

ನೀ ಬರುವಿಯೆಂದು
ಕಾಯುತ್ತಾ
ನಾ ಮುಡಿದ
ಮಲ್ಲಿಗೆ ಮುಖ
ಬಾಡಿ ಹೋಯಿತು..

ಮಲ್ಲಿಗೆಯ ಮುಖದಲಿ
ಇಂದೇಕೋ ಸೊಗಸಿಲ್ಲ ಸಖಾ
ನಿನ್ನ ಕೈಯ ಮೃದು ಸ್ಪರ್ಶವಿರದೆ
ಮುದುಡಿ ಹೋಗಿದೆ
ಸುಖವಿಲ್ಲ ಸುಖಾ


ಅರುಣಾ ನರೇಂದ್ರ


Leave a Reply

Back To Top