ಕಾವ್ಯ ಸಂಗಾತಿ
ಗಝಲ್
ಶಂಕರಾನಂದ ಹೆಬ್ಬಾಳ
ಜೀವವನು ಹಿಂಡಿ ಹಿಸುಕಿ ಹಿಪ್ಪೆ ಮಾಡಿದವರಿವರು
ದೇವರೆ ಶಿಕ್ಷೆಕೊಡು ಇವರಿಗೆ
ನರಕದ ಕೂಪದಿ ನೂಕಿ ತೊಳಲಿ ಬಳಲಿಸಿದವರಿವರು
ದೇವರೆ ಶಿಕ್ಷೆಕೊಡು ಇವರಿಗೆ
ಶರೀರದ ಕಾಮಲಾಲಸೆಗೆ ಮುಗ್ದ ಮನಸುಗಳನು
ಬಳಸುವಿರೇಕೆ ಜಗದಿ
ಚಟ್ಟವೇರುವರೆಗೂ ಭೂತದಂತೆ ಕಾಡಿದವರಿವರು
ದೇವರೆ ಶಿಕ್ಷೆಕೊಡು ಇವರಿಗೆ
ಭೊಗಾಸಕ್ತ ಹೃದಯಗಳನು ಕುದಿಯುವ ಎಣ್ಣೆಯಲಿ
ಅದ್ದಿ ತಗೆದುಬಿಡು
ರೋಗಗಳ ಗೂಡಾಗಿ ಅವಿರತ ನರಳಿಸಿದವರಿವರು
ದೇವರೆ ಶಿಕ್ಷೆಕೊಡು ಇವರಿಗೆ
ಸುಖವನ್ನೆ ಅರಸುವ ಕಾಮಾಂಧರನು ಶೂಲದಲಿ
ಚುಚ್ಚಿ ಕೊಂದುಬಿಡು
ಲೋಕದಿ ಬದುಕುವ ಆಸೆಗಳನ್ನು ಕಮರಿಸಿದವರಿವರು
ದೇವರೆ ಶಿಕ್ಷೆಕೊಡು ಇವರಿಗೆ
ಅಭಿನವನ ಲೋಕೋಕ್ತಿಗಳನು ಅರಿತು ಇನ್ನಾದರೂ
ಬದಲಾಗಲಿ ಇಂತವರು
ಮುಪ್ಪಿನಲಿ ಕಾಯವನು ಬೀದಿಪಾಲಾಗಿಸಿದವರಿವರು
ದೇವರೆ ಶಿಕ್ಷೆಕೊಡು ಇವರಿಗೆ
ಸೂಪರ್