ಕಾವ್ಯ ಸಂಗಾತಿ
ಗಜಲ್
ಬಾಗೇಪಲ್ಲಿ
ಗಜಲ್
(ಚೋಟಿ ಬೆಹರ್, ಪುಟ್ಟ ಗಜಲ್)
ಈಗ ಅವನ ಭೇಟಿಮಾಡ ಬಯಸುವೆ
ಕ್ಷಣ ಎದುರು ನಿಂತು ಮಾತಾಡಿಸುವೆ
ಕದ್ದಿದ್ದೆ ಕಾಲೇಜಿನಲಿ ಆತನ ಪುಸ್ತಕವ
ಈ ಮುದಿತನದಿ ಕ್ಷಮೆ ಯಾಚಿಸುವೆ .
ಕೀಳಾಗಿ ನೋಡಿದ್ದನೊಮ್ಮ ಆತ ನನ್ನ
ಸಹೃದಯ ಹೊತ್ತ ನಾ ಮನ್ನಿಸುವೆ .
ಬಾಳು ಬದುಕೆಲ್ಲಾ ನಶ್ವರವೆಂದು ಅರಿತೆ
ಶುಭ ಮಾತಾಡಿ ಜೀವನ ಮುಗಿಸುವೆ
ಆ ಮಾಳ್ಪುದ ಈಗ ಮಾಡಿದರೇನು ಕೃಷ್ಣ
ಬಿತ್ತಿದ್ದು ಬೆಳೆ ಎನುವುದ ಖರೆ ಆಗಿಸುವೆ
ಬಾಗೇಪಲ್ಲಿ
About The Author
