ಹೊಂಗನಸು

ಕವಿತೆ

ಹೊಂಗನಸು

ಶಂಕರಾನಂದ ಹೆಬ್ಬಾಳ

ರಾತ್ರಿ ಹೊತ್ತು ದೀಪ
ಹಚ್ಚದೆ ಕುಳಿತಿದ್ದೇನೆ
ನಿನ್ನ ಕಣ್ಣ ಬೆಳಕಿನಲ್ಲಿ
ಜಗ ನೋಡಬೇಕೆಂದು

ಹಪಹಪಿಸುವ ಮನದಲ್ಲಿ
ಮೂಲೆಗೊರಗಿದ್ದೇನೆ
ನೀ ಸಾಂತ್ವನ ಹೇಳಲು
ಬಂದೆ ಬರುವೆಯೆಂದು

ಕಣ್ಣು ಕಾಣಿಸದಿದ್ದರೂ
ನಡೆಯುತ್ತಿದ್ದೇನೆ
ನೀನು ಈ ಕುರುಡನ
ಕೈಹಿಡಿಯುವೆಯೆಂದು

ಸ್ತಬ್ಧ ಹೃದಯದ ಬಡಿತದಲಿ
ನಿನ್ನ ಅರಸಿ ನಿಂತಿದ್ದೇನೆ
ಒಳಗೆ ನೀ ರಾಣಿಯಾಗಿ
ಜೊತೆಯಿರುವೆಯೆಂದು

ಕನಸುಗಳನು ಕಾಣುವದನ್ನೆ
ಬಿಟ್ಟಿದ್ದೇನೆ
ನೀನೆ ಬಾಳಿನ ಹೊಂಗನಸಾಗಿ
ಬಂದಿರುವೆಯೆಂದು…

ಜೀವವನ್ನು ಅಂಗೈಯಲ್ಲಿ
ಹಿಡಿದಿದ್ದೇನೆ
ನೀನೆ ನನ್ನ ಜೀವವಾಗಿ
ಇರುವೆಯೆಂದು

|*************