ಕಾವ್ಯಯಾನ
ಕಾಯಕ ವೀರ ಕಾರ್ಮಿಕ
ಚೈತ್ರಾ ತಿಪ್ಪೇಸ್ವಾಮಿ
ಕಾಯಕಯೋಗಿ ಕಾರ್ಮಿಕ ಶ್ರೇಷ್ಠ
ಕಾರ್ಖಾನೆಯೇ ಅವನ ಕರ್ಮಸ್ಥಾನ
ದುಡಿಮೆಯ ಧರ್ಮವೇ ಜೀವಾಳ
ಕಾರ್ಮಿಕ ಶ್ರಮದಿಂದ ದೇಶಕ್ಕೆ ಸರಕು
ಪಾಳಿಯ ಮೇಲೆ ಕೆಲಸವ ಮಾಡಿ
ಲಾಭದ ಪ್ರಗತಿಗೆ ಕಾರಣವಾದ
ಬೆವರು ಸುರಿಸಿ ದುಡಿವ ಶ್ರಮಿಕ
ಯಂತ್ರಗಳೊಂದಿಗೆ ಕಾರ್ಯನಿರತ
ಅರೆಕ್ಷಣ ತೊರೆಮನ ಕಾದಿದೆ ದುರಂತ
ಕಾಯ ಸೋತರು ದೇಹ ದಣಿದರೂ
ಕಾಯಕಕ್ಕೆ ಸಮಾನವಾದ ವೇತನ ಸಿಗುತ್ತಿಲ್ಲ
ಹಗಲಿರುಳು ದುಡಿದರೂ ಕೆಲಸಕ್ಕೆ ರಕ್ಷಣೆ ಇಲ್ಲ
ನೊಂದ ಮನಕೆ ಬೇಕಿದೆ ಸಾಂತ್ವನ
ಕಾಯಕಲ್ಪ ನೀಡಬೇಕಿದೆ ಸರ್ಕಾರ
ಕಾನೂನು ಕೊಡಬೇಕಿದೆ
ಸಬಲತೆಯ
ಮಾಲೀಕನ ಪ್ರೀತಿ ಕಾರ್ಮಿಕರಿಗೆ ಇರಲಿ
ಕಾರ್ಮಿಕರ ಜೀವಕ್ಕೆ ಭದ್ರತೆ ಇರಲಿ
ಕಾರ್ಮಿಕರ ಕಲ್ಯಾಣವೇ ದೇಶಕ್ಕೆ ಹಿತವಾಗಲಿ
********************
