ಹೀಗೆ

ಕವಿತೆ

ಹೀಗೆ

ಗೋನವಾರ ಕಿಶನ್ ರಾವ್

ಹೆಣ್ಣೆಂದರೆ,ಪೂಜೆ-ಅಸಡ್ಡೆ
ಉಭಯನೀತಿ,
ಕೀಳು,
ಅವಮಾನ- ಅತ್ಯಾಚಾರ,

ಭರತವರ್ಷೇ,
ಭರತಖಂಡೇ

ಜಂಬೂ ದ್ವೀಪದಿ,
ಗಂಡುಕಾಮಿಗಳ
,ಹೀನಾಯ, ನಡೆ,
ಪುರುಷಗಣಗಳಿಗೆಲ್ಲ
ಚುಕ್ಕೆಬೊಟ್ಟು

ನೆನಪು.
ತವರು ಮನೆಗೆ ಬಂದ ಹೆಣ್ಣು
ವರುಷದಲಿ , ಹುಟ್ಟಿದ ಕೋಣೆ
ತೋರಿಸಲು ತವರಿಗೆಮತ್ತೆ

ಹುಟ್ಟಿ ಬೆಳೆದ ಮನೆಯನೇ
ನೋಡುವ ಮತ್ತೆ ಮತ್ತೆ ನೋಡುವ
ಕಹಿ ಚಪಲ,

ಮನೆ-ಮನವ ಮುರಿದಿರುವ
ಕ್ರೂರ ಜಗದ ಈ ಕೆಟ್ಟ
ಗಂಡುಗಳ ಸಂತೆ

ನಿರ್ಭಯದ ಅಂಗಡಿಯಲಿ
ಸಾವು ಕೊಳ್ಳುವ ಅ ದಂಡು
ಪಾಠ ಕಲಿಯದೆ ಮತ್ತೆ
ಹತರಾಸ್!!

ಕಲಿತದ್ದು ರಾವಣನಿಂದ ?
ಕೀಚಕನಿಂದ ?
ಅವರು ಮಣ್ಣಾದರೂ
ಇವರು, ಗಲ್ಲಾ ದರೂ
……… ಹೀಗಾದರೆ ?

ಹೇಗೆ ?

ತಡವಾಗಿ ಬಂದ ಉತ್ತರವಿರದ
ಪ್ರಶ್ನೆ,! ಶೇಷ ಪ್ರಶ್ನೆ ??

*****************************************************