ಕಾವ್ಯ ಸಂಗಾತಿ
ಡಾ. ಹೆಚ್. ನಟರಾಜ್ ಆರ್ಯ
“ನೀಲಿ ಆಕಾಶ – ನೀನೇ ನನ್ನ ಹಾಡು”
ನೀಲಿ ಆಕಾಶದಲ್ಲಿ
ತೇಲುವ ಬಿಳಿ ಮೋಡ,
ನನ್ನ ಹೃದಯ ಹೇಳಿದೆ
ನಿನ್ನ ನನ್ನ ಪ್ರೀತಿಯ ಹಾಡು.
ನಿನ್ನ ಕಣ್ಣೊಳಗೆ
ನೋಡುವ ಕನಸು,
ನನ್ನ ಉಸಿರಲ್ಲೇ
ನಿನ್ನ ಸುಗಂಧದ ಸೊಗಸು.
ಎದೆ ಬಡಿತ ಎನ್ನುವ
ಹೃದಯದ ಸದ್ದು,
ಪ್ರತಿ ಕ್ಷಣ ಹೇಳುತ್ತದೆ
ಪ್ರೀತಿ ಒಂದು ಮದ್ದು.
ಓ ನಲ್ಲೆ, ನೀನು
ಆ ತೀರದ ನಕ್ಷತ್ರ,
ನಾನು ಈ ತೀರದ
ಒಂಟಿ ಯಾತ್ರಿಕ.
ನಡುವೆ ನದಿ ಹರಿಯುತ್ತದೆ
ಜುಳು ಜುಳು ಧ್ವನಿ,
ನಿನ್ನ ನೆನಪಲ್ಲಿ
ನಿಂತುಹೋಗುತ್ತದೆ ನನ್ನ ಪಯಣ.
ಸುಪ್ರಿಯಾ, ನಾನು
ದೂರದಲ್ಲಿದ್ದರೂ,
ನಿನ್ನ ಧ್ವನಿಯಲ್ಲೇ
ಹತ್ತಿರವಾಗುತ್ತೇನೆ ನೋಡು.
ನೀನು “ಬಾ ನಲ್ಲ” ಎಂದರೆ
ಹೃದಯ ನಗುತ್ತದೆ,
ಕೇಳಿಸದ ಮಾತನ್ನೂ
ಮನಸ್ಸು ಅರಿತುಕೊಳ್ಳುತ್ತದೆ.
ನೀಲಿ ಆಕಾಶದಲ್ಲಿ
ತೇಲುವ ಬಿಳಿ ಮೋಡ,
ನನ್ನ ಹೃದಯದಲ್ಲಿ
ನೀನೇ ಆ ಪ್ರೀತಿಯ ಹಾಡು.
ನೀಲಿ ಆಕಾಶದ ಮೋಡ
ಎಲ್ಲಿ ಮಳೆಯಾಗುತ್ತವೋ,
ನನ್ನ ಕಣ್ಣಿನ ಮೋಡ
ನಿನ್ನ ನೆನಪಲ್ಲೇ ಕರಗುತ್ತವೋ.
ಸ್ವಪ್ನದಲ್ಲಿ ಬಂದವನೇ
ಮೌನದ ಸಂಗೀತ,
ನಿನ್ನ ಸ್ಪರ್ಶವೇ
ಮನಸ್ಸಿಗೆ ಸಿಹಿ ಸಂಪ್ರಿತ
ಕೋಗಿಲೆ ಕೂಗುವಾಗ
ನಿನ್ನ ನೆನಪು,
ನಿನ್ನ ನಗುವೇ
ನನ್ನ ಬದುಕಿನ ಹೊನಪು
ನಿನ್ನ ಮಾತು ಕೇಳಿದರೆ
ಮರೆತುಹೋಗುತ್ತದೆ ನೋವು,
ನಿನ್ನ ಪ್ರೀತಿ ಸಾಕು
ನನ್ನ ಜೀವನದ ಔಷಧಿ ಅದು.
ನೀಲಿ ಆಕಾಶದಲ್ಲಿ
ತೇಲುವ ಬಿಳಿ ಮೋಡ,
ನನ್ನ ಹೃದಯದಲ್ಲಿ
ನೀನೇ ಆ ಪ್ರೀತಿಯ ಹಾಡು.
ಸಮುದ್ರದ ಮುಂದೆ ನಿಂತು
ಅಲೆಗಳನ್ನು ನೋಡಿದರೆ,
ನಿನ್ನ ಭಾವನೆಗಳು
ಅಲೆ ಅಲೆಯಾಗಿ ಬರುವುದು ನನಗೆ.
ದೂರದಲ್ಲಿದ್ದರೂ ನೀನು
ಹತ್ತಿರವೇ ಕಾಣಿಸುವೆ,
ನನ್ನ ಮನಸ್ಸಿನೊಳಗೆ
ಪ್ರತಿ ಕ್ಷಣ ನಗಿಸುವೆ.
ಮರೆಯಲು ನೋಡಿದರೂ
ಮರೆಯಲಾಗದ ಕಮಾನು,
ಬಣ್ಣದ ಚಿಟ್ಟೆಗಳಂತೆ
ಮನಸಲ್ಲಿ ಹಾರಾಡು ನೀನು.
ಕಾಲ ತಿರುಗಿದರೂ
ಪ್ರೀತಿ ತಿರುಗದು,
ಉಸಿರು ಇರುವವರೆಗೆ
ಈ ಬಾಂಧವ್ಯ ಮುರಿಯದು.
ಮತ್ತೊಂದು ಜನ್ಮ ಬಂದರೂ
ಮತ್ತೆ ನೀನೇ ಸಾಕು,
ಪ್ರೀತಿಯ ಹಾಡಾಗಿಯೇ
ನಮ್ಮ ಕಥೆ ಇರಬೇಕು.
ನೀಲಿ ಆಕಾಶದಲ್ಲಿ
ತೇಲುವ ಬಿಳಿ ಮೋಡ,
ನನ್ನ ಹೃದಯದಲ್ಲಿ
ನೀನೇ ನನ್ನ ಜೀವದ ಹಾಡು.
ಕೊನೆಯ ಉಸಿರಿರುವವರೆಗೆ
ಹೇಳುತ್ತೇನೆ ನಿನ್ನ ಹೆಸರು,
ನೀನು ಎಲ್ಲಿದ್ದರೂ
ನನ್ನ ಪ್ರೀತಿ ನಿನ್ನತ್ತಲೇ ಹರಿದು ಹೋಗು.
ಡಾ. ಹೆಚ್. ನಟರಾಜ್ ಆರ್ಯ.
About The Author
ಸರ್ ತಮ್ಮ ಬಿಡುವಿಲ್ಲದ ಸಮಯದಲ್ಲಿ ಬಿಡುವು ಮಾಡಿಕೊಂಡು ರಚಿಸಿರುವ ಈ ಕವಿತೆ ಯಲ್ಲಿ ಮನುಷ್ಯನ ಭಾವನೆಗಳ ಮಧುರತೆ ಯನ್ನು ಹಿಡಿದಿರುವುದು ಗೋಚರಿಸುತ್ತಿದೆ. ಅನೇಕ ಯುವಪ್ರತಿಭೆ ಗಳಿಗೆ ಸ್ಪೂರ್ತಿ ಯಾಗಿರುವ ನಿಮಗೆ ಅಭಿನಂದನೆಗಳು ಸರ್
ನಟರಾಜ್ ಸರ್ ನಿಮ್ಮ ಈ ಕವಿತೆ. ಭಾಷೆಯ ಸೌಂದರ್ಯ, ಭಾವಗಳ ಆಳ ಮತ್ತು ವಿಚಾರಗಳ ತೀಕ್ಷ್ಣತೆ ಈ ಕವನವನ್ನು ವಿಶಿಷ್ಟವಾಗಿಸಿದೆ. ಪ್ರತಿಯೊಂದು ಸಾಲು ಓದುಗರ ಮನಸ್ಸಿಗೆ ತಟ್ಟುವಂತೆ, ಚಿಂತನೆಗೆ ಪ್ರೇರೇಪಿಸುವಂತೆ ಮೂಡಿಬಂದಿದೆ. ಸರಳ ಶೈಲಿಯಲ್ಲಿಯೇ ಗಂಭೀರ ಅರ್ಥವನ್ನು ಕಟ್ಟಿಕೊಡುವ ನಿಮ್ಮ ಕೌಶಲ್ಯ ಪ್ರಶಂಸನೀಯ. ಸಮಾಜದ ನಿಜಮುಖವನ್ನು ಸೂಕ್ಷ್ಮವಾಗಿ ಹಿಡಿದಿಟ್ಟ ಈ ಕವನ ಓದುಗರಲ್ಲಿ ಒಳನೋಟವನ್ನು ಮೂಡಿಸುತ್ತದೆ. ಇಂತಹ ಮೌಲ್ಯಯುತ ಸಾಹಿತ್ಯ ಸೃಷ್ಟಿಗೆ ಹೃದಯಪೂರ್ವಕ ಅಭಿನಂದನೆಗಳು
ಸತೀಶ್ ಎ ಆರ್
ಇನ್ನೂ ಹೆಚ್ಚು ಹೆಚ್ಚು ಬರೆಯಿರಿ ಅಣ್ಣ
ಆಕಾಶವನ್ನೇ ಪ್ರೇಯಸಿ ರೀತಿಯಲ್ಲಿ ವರ್ಣಿಸಿದ ರೀತಿ ಮನಸ್ಸಿಗೆ ತುಂಬಾ ಮುದ ನೀಡುತ್ತದೆ ನಿಮ್ಮ ಬಿಡುವಿಲ್ಲದ ಸಮಯದಲ್ಲಿ ಕೂಡ ನೀವು ಬರೆಯುವ ಹವ್ಯಾಸ ನಿಮ್ಮಲ್ಲಿರುವ ಕವಿಯನ್ನು ಬಡಿದೇಬಿಡುತ್ತಿದೆ ಹೊಗಳಿಕೆಗೆ ಹೇಳುತ್ತಿಲ್ಲ ನೀವು ವರ್ಣಿಸುವ ರೀತಿಗೆ ಪದಪುಂಜಗಳೇ ತಾಂಡವಾಡುತ್ತವೆ ಎನಿಸುತ್ತದೆ ನಿಮ್ಮ ಕವಿತೆಯ ಪಯಣ ಹೀಗೆ ಮುಂದುವರೆಯಲಿ